തിരുവനന്തപുരം: മേയര്-കെഎസ്ആര്ടിസി ഡ്രൈവര് തര്ക്കത്തില് തിരുവനന്തപുരം മേയര് ആര്യാ രാജേന്ദ്രനും സച്ചിന് ദേവ് എംഎല്എയ്ക്കും ക്ലീന്ചിറ്റ് നല്കി പൊലീസിന്റെ റിപ്പോര്ട്ട്. സച്ചിന്ദേവ് എംഎല്എ കെഎസ്ആര്ടിസി ബസിനുള്ളില് അതിക്രമിച്ച് കയറിയിട്ടില്ലെന്ന് കോടതിയില് കൊടുത്ത റിപ്പോര്ട്ടില് പൊലീസ് വ്യക്തമാക്കി.
കണ്ടക്ടര് പറഞ്ഞതിന്റെ അടിസ്ഥാനത്തില് ഡ്രൈവര് യദു ഹൈഡ്രോളിക് ഡോര് തുറന്നു കൊടുക്കുകയായിരുന്നുവെന്നും പൊലീസ് റിപ്പോര്ട്ടിലുണ്ട്. തര്ക്കം നടക്കുമ്പോള് മേയറും സച്ചിനും മോശം ഭാഷ ഉപയോഗിച്ചതായി സാക്ഷികള് മൊഴി നല്കിയിട്ടില്ലെന്നും പൊലീസ് പറയുന്നു. മേയറും എംഎല്എയും അതിക്രമിച്ച് കയറി ചീത്ത വിളിച്ചുവെന്ന ആരോപണവും പൊലീസ് തള്ളി. ഇരുവര്ക്കുമെതിരെ യദു ഉന്നയിച്ച ആരോപണങ്ങള് പാടെ തള്ളിക്കൊണ്ടാണ് പൊലീസ് റിപ്പോര്ട്ട്.