ഹരിയാന: തെരഞ്ഞെടുപ്പ് കമ്മീഷനെതിരെ പരാതി നല്‍കി കോണ്‍ഗ്രസ്. തിരഞ്ഞെടുപ്പ് കമ്മീഷന്‍ ഫലങ്ങള്‍ സൈറ്റില്‍ അപ്ലോഡ് ചെയ്യുന്നത് വെകിപ്പിക്കുന്നുവെന്ന് ആരോപിച്ചാണ് ഹരിയാനയില്‍ കോണ്‍ഗ്രസ് പരാതിയുമായെത്തിയത്. കഴിഞ്ഞ രണ്ടു മണിക്കൂറായി തെരഞ്ഞെടുപ്പ് ഫലം വൈകിപ്പിക്കുന്നുവെന്നാണ് പരാതി.
ലോക്‌സഭാ തിരഞ്ഞെടുപ്പിലും സമാന അവസ്ഥയായിരുന്നുവെന്നും തിരഞ്ഞെടുപ്പ് കമ്മീഷനുമേല്‍ ബിജെപി സമ്മര്‍ദ്ദം ചെലുത്തുകയാണോയെന്നും കോണ്‍ഗ്രസ് നേതാവ് ജയറാം രമേശ് എക്‌സില്‍ ചോദിച്ചു. അതേസമയം, തോല്‍ക്കുമ്പോള്‍ വോട്ടിംഗ് മെഷീനെ കുറ്റം പറയുന്നത് കോണ്‍ഗ്രസിന്റെ പതിവ് പല്ലവിയെന്നാണ് ബിജെപിയുടെ പ്രതികരണം.
