ഡല്ഹി: ഇന്ത്യന് ഓവര്സീസ് കോണ്ഗ്രസ് ചെയര്മാനായി സാം പിത്രോദയെ കോണ്ഗ്രസ് വീണ്ടും നിയമിച്ചു. പിന്തുടര്ച്ച സ്വത്ത് വിവാദം, ഇന്ത്യക്കാരുടെ വൈവിധ്യം ഉന്നയിച്ചുള്ള പിത്രോദയുടെ പരാമര്ശം എന്നിവ ഇക്കഴിഞ്ഞ തെരഞ്ഞെടുപ്പില് ബിജെപി ആയുധമാക്കിയിരുന്നു.
പരാമര്ശങ്ങള് വിവാദമായതോടെ കഴിഞ്ഞ മാസം മെയ് എട്ടിനാണ് പിത്രോദ ഇന്ത്യന് ഓവര്സീസ് കോണ്ഗ്രസ് ചെയര്മാന് സ്ഥാനം രാജിവെച്ചത്. സാം പിത്രോദയുടെ രാജി കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ അംഗീകരിക്കുകയും ചെയ്തിരുന്നു.
ലോക്സഭാ തെരഞ്ഞെടുപ്പ് കഴിഞ്ഞ് ഇന്ത്യ സഖ്യം മികച്ച പ്രകടനം നടത്തിയതിന് പിന്നാലെയാണിപ്പോള് സാം പിത്രോദയെ വീണ്ടും ഇന്ത്യന് ഓവര്സീസ് കോണ്ഗ്രസ് ചെയര്മാനായി നിയമിച്ചിരിക്കുന്നത്.