പി വി അൻവറിനെതിരെ രൂക്ഷ വിമർശനവുമായി സിപിഎം കോഴിക്കോട് ജില്ലാ സെക്രട്ടറി പി മോഹനൻ.സമനില തെറ്റിയ അൻവർ പറയുന്നത് പിച്ചും പേയും ആണെന്ന് മോഹനൻ. അൻവർ രാഷ്ട്രീയത്തിന്റെ ഗാലറിയിൽ ഇരിക്കുന്ന ആളാണെന്ന് മോഹനൻ പരിഹസിച്ചു. സിപിഎം ന്റെ എ ബി സി ഡി അറിയാത്ത ആളാണ് അൻവർ എന്നും ആരോപണം ഉയർത്തി.
ALSO READ: അൻവറിനെ ഭാഗികമായി പിന്തുണച്ച് കെ ടി ജലീൽ
മുഖ്യമന്ത്രിയുടെ മകളെ കല്യാണം കഴിച്ച് ഓടിളക്കി വന്നതല്ല മുഹമ്മദ് റിയാസ് എന്നും കോഴിക്കോടിന്റെ തെരുവുവീഥികളിൽ മർദ്ദനമേറ്റുവാങ്ങി കടന്നുവന്നവനാണെന്നും അദ്ദേഹം കൂട്ടിച്ചേർത്തു.ഇടത് സർക്കാരിനെയും സി പി എം നെയും ദുർബലപ്പെടുത്താനുള്ള നീക്കത്തെ ജനം എതിർക്കുമെന്നും ആരാധനാലയത്തിനകത്ത് വിഗ്രഹം പ്രതിഷ്ഠിച്ചത് പോലെ സിപിഎം ജനമനസ്സിനകത്ത് നിലനിൽക്കുകയാണെന്നും മോഹനൻ പറഞ്ഞു
