കൊച്ചി: കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) യിലെ ബി.ടെക്. പ്രോഗ്രാമുകളിൽ ഒഴിവുള്ള സീറ്റുകളിലേക്കായി സെപ്റ്റംബർ 10-ന് മൂന്നാംഘട്ട സ്പോട്ട് അഡ്‌മിഷൻ നടത്തുന്നു. എസ്.സി./എസ്.ടി. വിഭാഗം മൂന്നാംഘട്ട സ്പോട്ട് അഡ്‌മിഷനും ഇതോടൊപ്പം നടക്കും.
താത്പര്യമുള്ള വിദ്യാർഥികൾ സർവകലാശാലയിലെ സെമിനാർ കോംപ്ലക്‌സിൽ അസൽസർട്ടിഫിക്കറ്റുകളും ഫീസുംസഹിതം ഹാജരാകണം. രജിസ്ട്രേഷൻ സമയം രാവിലെ ഒൻപതുമുതൽ 10 വരെ. ഹാജരാകേണ്ട അപേക്ഷകരുടെ റാങ്ക് പരിധിയും ഒഴിവുകളും അറിയുന്നതിനായി www.admissions.cusat.ac.in കാണുക. വിവരങ്ങൾക്ക്: 0484-2577100
