മാര്‍വല്‍ സിനിമാറ്റിക് യൂണിവേഴ്സ് ആരാധകര്‍ ഏറെ പ്രതീക്ഷയോടെ കാത്തിരുന്ന ‘ഡെഡ്പൂള്‍ ആന്‍ഡ് വോള്‍വറിന്‍’ എന്ന സിനിമ റിലീസ് ചെയ്തിരിക്കുകയാണ്. കഴിഞ്ഞ ഏതാനും നാളുകളായി മാര്‍വല്‍ സിനിമകള്‍ക്കേറ്റ തിരിച്ചടികള്‍ക്കുള്ള മറുപടിയാണ് ഈ ചിത്രം എന്നാണ് ആദ്യ പ്രതികരണം. അടിമുടി എന്റര്‍ടെയ്ന്‍ ചെയ്യിക്കാന്‍ സിനിമയ്ക്ക് കഴിയുന്നുണ്ടെന്നും മാര്‍വല്‍ ആരാധകര്‍ക്ക് ഒരുവിധത്തിലും നിരാശ സമ്മാനിക്കാത്ത സിനിമയായിരിക്കുമിത് എന്നുമാണ് പലരും സമൂഹ മാധ്യമങ്ങളില്‍ കുറിക്കുന്നത്.
ഡെഡ്പൂളായുളള റയാന്‍ റെയ്‌നോള്‍ഡ്‌സിന്റെയും ലോഗനായുള്ള ഹ്യൂ ജാക്ക്മാന്റെ പ്രകടനങ്ങങ്ങള്‍ തന്നെയാണ് സിനിമയുടെ പ്രധാന ഹൈലൈറ്റുകള്‍. ഒപ്പം മാര്‍വല്‍ ആരാധകരെ ത്രസിപ്പിക്കുന്ന പല കാമിയോ വേഷങ്ങളും റെഫറന്‍സുകളും സിനിമയിലുണ്ടെന്നാണ് പ്രേക്ഷകര്‍ പറയുന്നത്. ആക്ഷനും കോമഡിയുമെല്ലാം നിറഞ്ഞു നില്‍ക്കുന്ന ചിത്രം ആരാധകര്‍ക്ക് ഒരു ആഘോഷമായിരിക്കും എന്നാണ് ആദ്യ പ്രതികരണങ്ങള്‍ നല്‍കുന്ന സൂചന.
