ദേവ് മോഹന്‍, സോണ ഒലിക്കല്‍ എന്നിവരെ പ്രധാന കഥാപാത്രങ്ങളാക്കി അര്‍ജുന്‍ രമേശ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘പരാക്രമം’. ചിത്രത്തിന്റെ ട്രെയ്ലര് അണിയറപ്രവര്‍ത്തകര്‍ പുറത്തുവിട്ടു. യുവ പ്രേക്ഷകര്‍ക്കും കുടുംബ പ്രേക്ഷകര്‍ക്കും ഒരുപോലെ ഇഷ്ടപ്പെടുന്ന രീതിയില്‍ ഒരുക്കിയ ഒരു പവര്‍ പാക്ക്ഡ് എന്റര്‍ടെയ്‌നര്‍ തന്നെയാവും ‘പരാക്രമം’ എന്നാണ് ട്രെയ്ലര് സൂചിപ്പിക്കുന്നത്. ചിത്രം നവംബര്‍ 22ന് തിയറ്ററുകളില്‍ എത്തും.
സിജു സണ്ണി, ജോമോന്‍ ജ്യോതിര്‍, അമിത് മോഹന്‍, രണ്‍ജി പണിക്കര്‍, സംഗീത മാധവന്‍, സോണ ഒലിക്കല്‍, ജിയോ ബേബി, സച്ചിന്‍ ലാല്‍ ഡി, കിരണ്‍ പ്രഭാകരന്‍ എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മില്ലെനിയല്‍ ഫിലിംസാണ് ചിത്രത്തിന്റെ നിര്‍മാണം. ഹാരിസ് ദേശം എക്സിക്യൂട്ടീവ് പ്രൊഡ്യൂസര്‍ ആണ്. സാലു കെ തോമസ് ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് കിരണ്‍ ദാസ് ആണ്. റിന്നി ദിവാകര്‍ ആണ് പ്രൊഡക്ഷന്‍ കണ്‍ട്രോളര്‍.
Also Read:ബേസിലിനെ വിടാതെ പിന്തുടര്‍ന്ന് നസ്രിയ; ‘സൂക്ഷ്മദര്‍ശിനി’ ട്രെയ്ലര് എത്തി
സംഗീത സംവിധാനം അനൂപ് നിരിച്ചന്‍, ഗാനരചന സുഹൈല്‍ എം കോയ, രഞ്ജിത്ത് ആര്‍ നായര്‍, സംഘട്ടനം ഫീനിക്സ് പ്രഭു, പി സി സ്റ്റണ്ട്‌സ്, അഷ്റഫ് ഗുരുക്കള്‍, പ്രൊഡക്ഷന്‍ ഡിസൈനര്‍ ദിലീപ് നാഥ്, മേക്കപ്പ് മുഹമ്മദ് അനീസ്, കോസ്റ്റ്യൂം ഇര്‍ഷാദ് ചെറുകുന്ന്, ചീഫ് അസോസിയേറ്റ് ഡയറക്ടര്‍ ഷെല്ലി ശ്രീസ്, സൗണ്ട് ഡിസൈന്‍ സിങ്ക് സിനിമ, ഓഡിയോഗ്രാഫി രാജകൃഷ്ണന്‍ എം ആര്‍, പ്രൊമോഷന്‍ കണ്‍സല്‍ട്ടന്റ് വിപിന്‍ കുമാര്‍, പ്രൊമോഷന്‍സ് ടെന്‍ ജി മീഡിയ, പബ്ലിസിറ്റി സ്റ്റില്‍സ് ഷഹീന്‍ താഹ, ഡിസൈനര്‍ യെല്ലോ ടൂത്ത്സ്, പി ആര്‍ ഒ- എ എസ് ദിനേശ്.
