നമ്മൾ മലയാളികൾക്ക് ഏറെ സുപരിചിതമായ ഒരു താര കുടുംബമാണ് നടൻ കൃഷ്ണകുമാറിന്റേത്. രണ്ട് ദിവസം മുമ്പായിരുന്നു നടന്‍റെ രണ്ടാമത്തെ മകള്‍ ദിയ കൃഷ്ണയുടെ വിവാഹം. ദിയ കൃഷ്ണയുടെ ഭർത്താവ് അശ്വിൻ ഗണേഷാണ്. രണ്ട് വർഷത്തെ പ്രണയത്തിന് ഒടുവിൽ ആയിരുന്നു ഇരുവരും വിവാഹിതരായത്. തിരുവനന്തപുരത്ത് ഉള്ള ഒരു നക്ഷത്ര ഹോട്ടലിൽ ക്ഷണിക്കപ്പെട്ട അതിഥികൾക്ക് മുന്നിലാണ് അശ്വിന്‍ ദിയയുടെ കഴുത്തില്‍ താലി ചാര്‍ത്തിയത്. പൊതുവിൽ കണ്ടുവരുന്ന താരപുത്രികളുടെ വിവാഹത്തിന് ഉള്ള ആർഭാടങ്ങൾ ഒന്നും തന്നെ ദിയയുടെ വിവാഹത്തിന് ഇല്ലായിരുന്നു. എന്നാല്‍ വിവാഹത്തിന് മുമ്പ് തകർപ്പൻ സംഗീത് നിശയാണ് ഇവര്‍ നടത്തിയത്.
ഇത് വേറെ ലെവൽ…
അമ്മൂമ്മയും അപ്പൂപ്പനും അപ്പച്ചിയും വരെ ഡാൻസ് ചെയ്യുന്നതിന്‍റെ വീഡിയോ ദിയ തന്നെയാണ് തന്‍റെ ഇന്‍സ്റ്റഗ്രാമില്‍ പങ്കുവച്ചത്. വരാനും വധുവും കറുപ്പിൽ തിളങ്ങി നിന്നപ്പോൾ കുടുംബത്തിലെ മറ്റ് അംഗങ്ങള്‍ പച്ച നിറത്തിലുള്ള വസ്ത്രങ്ങളായിരുന്നു ധരിച്ചത്. ദിവസങ്ങൾക്കു മുൻപേ പ്രായം ചെന്ന മുത്തശ്ശനെയും മുത്തശ്ശിയെയും അപ്പച്ചിയെയും എല്ലാം നൃത്തം പഠിപ്പിക്കുന്ന അഹാനയും സോഷ്യല്‍ മീഡിയയിലൂടെ വൈറൽ ആയിരുന്നു.
വിവാഹത്തിന് കല്യാണപ്പെണ്ണിനെക്കാൾ ഏറ്റവും കൂടുതല്‍ തിളങ്ങിയത് അഹാനയും ഇഷാനിയും ഹന്‍സികയുമായിരുന്നു എന്നാണ് സോഷ്യൽ മെയ് പറയുന്നത് . കാഞ്ചിപുരം പട്ടുസാരിയില്‍ വധുവിന്‍റെ ലുക്കിലാണ് അഹാന എത്തിയത്. പിങ്ക് നിറത്തിലുള്ള ധാവണിയിലായിരുന്നു ഇഷാനിയും ഹന്‍സികയും
