തെന്നിന്ത്യൻ സിനിമാ പ്രേമികൾ ഒന്നടങ്കം കാത്തിരിക്കുന്ന സിനിമയാണ് പുഷ്പ 2. പ്രിയ നടൻ ഫഹദ് ഫാസിലിന്റെ മിന്നും പ്രകടനം കാണാൻ മലയാളികളും കാത്തിരിക്കുകയാണ്. സുകുമാർ സംവിധാനം ചെയ്ത ചിത്രം ഡിസംബർ അഞ്ചിന് തിയറ്ററുകളിൽ എത്തുന്നതായിരിക്കും. 2021ലാണ് പുഷ്പയുടെ ആദ്യഭാഗം റിലീസ് ചെയ്യുന്നത്. ഇതിലെ പ്രകടനത്തിന് മികച്ച നടനുള്ള ദേശീയ പുരസ്കാരം അല്ലു അര്‍ജുന് ലഭിച്ചിരുന്നു.ജിസ് ജോയ് ആണ് അല്ലു അർജുന് മലയാളത്തിൽ ശബ്ദം നൽകുന്നത്. അല്ലുവിന്റെ എല്ലാ സിനിമകളും മലയാളത്തിൽ ഡബ്ബ് ചെയ്യുന്നത് ജിസ് ജോയ് തന്നെയാണ്. ഈ ഒരു സാഹചര്യത്തിൽ പുഷ്പ 2ന്റെ ആദ്യ റിവ്യു പറഞ്ഞിരിക്കുകയാണ് ജിസ് ജോയ്.
ALSO READ: കുലദ കുമാർ ഭട്ടാചാര്യ അന്തരിച്ചു
ആദ്യഭാഗത്തെക്കാൾ മികച്ച പ്രകടനമാണ് അല്ലു അർജുൻ കാഴ്ചവച്ചിരിക്കുന്നതെന്നും ഫഹദ് ഫാസിൽ പൊളിച്ചടുക്കിയിട്ടുണ്ടെന്നും ജിസ് ആരാധകരോട് പറയുന്നു.”ഒരു നാഷണല്‍ അവാര്‍ഡ് വിന്നര്‍ എങ്ങനെ പെര്‍ഫോം ചെയ്യണമോ ആ മെച്യൂരിറ്റിയില്‍ ആണ് ഇത്തവണ അല്ലു അര്‍ജുന്‍റെ പെര്‍ഫോമന്‍സ്. ഓരോ സിനിമയും കഴിയുന്തോറും അദ്ദേഹം വളരുകയാണ്. കഴിഞ്ഞ തവണത്തെക്കാള്‍ ഒരുപാട് മാസ് സീന്‍സ് ഇത്തവണ ഉള്ളതായി തോന്നി. നമ്മടെ ഫഹദ് ഫാസില്‍ പൊളിച്ച് അടുക്കിയിട്ടുണ്ട് ” അദ്ദേഹത്തിന്റെ വാക്കുകളാണിവ.
