ജനപ്രിയ ഇന്തോ ജാപ്പനീസ് വാഹന നിർമാതാക്കളായ മാരുതി സുസുക്കി വിൽപ്പന സംഖ്യകൾ തിരിച്ചു പിടിക്കാനുള്ള വമ്പൻ തയ്യാറെടുപ്പിലാണ്. നെക്‌സ ബ്രാൻഡിന് കീഴിലുള്ള എല്ലാ മോഡലുകൾക്കും ഓഗസ്റ്റ് മാസത്തിൽ വൻ ആനുകൂല്യങ്ങളാണ് നിർമ്മാതാക്കൾ വാഗ്ദാനം ചെയ്യുന്നത്. നിലവിൽ ഇന്നോവ ഹൈക്രോസിന്റെ റീബാഡ്ജ് പതിപ്പായ ഇൻവിക്‌റ്റോ പ്രീമിയം എംപിവി ഒഴികെയുള്ള നെക്‌സ ലൈനപ്പിന് കീഴിലുള്ള എല്ലാ മോഡലുകൾക്കും ക്യാഷ് ഡിസ്‌കൗണ്ടുകൾ, എക്സ്ചേഞ്ച് ആനുകൂല്യങ്ങൾ, കോർപ്പറേറ്റ് ബോണസുകൾ എന്നിവയുൾപ്പെടെയുള്ള വലിയ ആനുകൂല്യങ്ങളാണ് മാരുതി സുസുക്കി വാഗ്ദാനം ചെയ്യുന്നത്.
മാരുതി സുസുക്കി സ്മാർട്ട് ഫിനാൻസ് (MSSF) വഴി വാങ്ങുമ്പോൾ ജിംനി ആൽഫ വേരിയൻ്റ് 2.5 ലക്ഷം രൂപ വരെയും, ജിംനി സീറ്റയ്ക്ക് 1.95 ലക്ഷം രൂപ വരെയും ആനുകൂല്യങ്ങൾ ലഭിക്കുന്നു. എന്നാൽ MSSF ഇല്ലാതെ, രണ്ട് വേരിയൻ്റുകളിലും ഒരു ലക്ഷം രൂപ കിഴിവ് ലഭിക്കും. ഇന്ത്യയിൽ ബ്രാൻഡ് വാഗ്ദാനം ചെയ്യുന്ന ഹോട്ട് സെല്ലിംഗ് കാറുകളിലൊന്നാണ് ഗ്രാൻഡ് വിറ്റാര. ഈ കോംപാക്ട് എസ്‌യുവിയുടെ ഹൈബ്രിഡ് വേരിയന്റുകൾ 1.03 ലക്ഷം രൂപ വരെ ആനുകൂല്യങ്ങളോടെ ലഭ്യമാണ്. ഒപ്പം അഞ്ച് വർഷത്തെ എക്സ്റ്റെന്റഡ് വാറൻ്റിയും സൗജന്യമായി ലഭിക്കുന്നു. കൂടാതെ, നിങ്ങൾ ഒരു ഡീസൽ കാർ എക്സ്ചേഞ്ച് ചെയ്ത് ഗ്രാൻഡ് വിറ്റാര വാങ്ങുകയാണെങ്കിൽ, നിങ്ങൾക്ക് 25,000 രൂപ എക്സ്ചേഞ്ച് ബോണസും ലഭിക്കും.
മൊത്തം ആനുകൂല്യങ്ങൾ 1.28 ലക്ഷം രൂപയായി ഉയർത്തുന്നു. മാരുതി എസ്‌യുവിയുടെ നോർമൽ മൈൽഡ് ഹൈബ്രിഡ് മോഡലുകൾ 63,100 രൂപ കിഴിവിൽ വാഗ്ദാനം ചെയ്യുന്നു. നിങ്ങൾക്ക് ഗ്രാൻഡ് വിറ്റാര CNG വാങ്ങാൻ താൽപ്പര്യമുണ്ടെങ്കിൽ, 33,100 രൂപയുടെ ആനുകൂല്യങ്ങൾ ആസ്വദിക്കാം, ഇത് കഴിഞ്ഞ മാസത്തെ ഓഫറിന് സമാനമാണ്.കൂടാതെ, നോർമൽ പെട്രോൾ മാനുവൽ, ഓട്ടോമാറ്റിക് വേരിയന്റുകൾക്ക് യഥാക്രമം 32,500 രൂപയും 35,000 രൂപ വരെയും കിഴിവ് വാഗ്ദാനം ചെയ്യുന്നു. സിഎൻജി വേരിയൻ്റിന് 10,000 രൂപ കിഴിവും ലഭിക്കും എന്നാണ് റിപ്പോർട്ട്. വളരെ ചുരുങ്ങിയ കാലം കൊണ്ട് ഇന്ത്യയിൽ ഒരു ഫാൻബേസ് സൃഷ്ടിച്ച മോഡലാണിത്.
ഫ്രോങ്ക്സ് ക്രോസ്ഓവർ എസ്‌യുവിയുടെ ടർബോ പെട്രോൾ വകഭേദങ്ങൾ 83,000 രൂപ വരെ ആനുകൂല്യങ്ങളോടെ ലഭ്യമാണ്. ഈ ആകെ തുക വീണ്ടും 30,000 രൂപ ക്യാഷ് ഡിസ്കൗണ്ട് 10,000 രൂപ എക്സ്ചേഞ്ച് ബോണസ് 43,000 രൂപ വിലയുള്ള വെലോസിറ്റി എഡിഷൻ ആക്സസറി കിറ്റ് എന്നിങ്ങനെ വിഭജിച്ചിരിക്കുന്നു. ഇന്തോ ജാപ്പനീസ് വാഹന നിർമ്മാതാക്കളുടെ ജനപ്രിയ പ്രീമിയം ഹാച്ച്ബാക്ക് കാര്യമായ ആനുകൂല്യങ്ങളോടെ ലഭ്യമാണ്. മാനുവൽ ട്രാൻസ്മിഷനിൽ 45,000 രൂപയും ഓട്ടോമാറ്റിക് ട്രാൻസ്മിഷന് 50,000 രൂപ വരെ കിഴിവ് ലഭിക്കുന്നു. കൂടാതെ, ബലേനോ സിഎൻജിയിൽ 35,000 രൂപയോളം ഓഫർ ലഭിക്കും.
