മതിയായ കാരണില്ലാതെ വഴിയരികിലെ ഒരു മരവും വെട്ടിമാറ്റരുതെന്ന കര്ശന നിര്ദേശവുമായി ഹൈക്കോടതി. മതിയായ കാരണങ്ങളില്ലാതെ മരങ്ങള് മുറിച്ചുമാറ്റാന് സര്ക്കാര് അനുവദിക്കരുതെന്നാണ് നിര്ദേശം. വാണിജ്യ സ്ഥാപനങ്ങള്ക്ക് തടസം സൃഷ്ടിക്കുമെന്നത് മരം മുറിച്ചുമാറ്റാനുള്ള കാരണമല്ലെന്നും ഇത്തരം മരംമുറി തടയാന് ആവശ്യമായ ഉത്തരവുകള് സര്ക്കാര് പുറപ്പെടുവിക്കണമെന്നും ഹൈക്കോടതി നിര്ദേശിച്ചു.
പാലക്കാട് പൊന്നാനി റോഡില് വാണിജ്യ സമുച്ചയത്തിന്റെ കാഴ്ച മറയ്ക്കുന്ന മരം വെട്ടിമാറ്റാന് അനുമതി തേടി നല്കിയ അപേക്ഷ നിരസിച്ച വനംവകുപ്പിന്റെ ഉത്തരവ് ചോദ്യം ചെയ്തുള്ള ഹര്ജിയിലാണ് ഹൈക്കോടതി നടപടി.