മാ​ധ്യ​മ പ്ര​വ​ർ​ത്ത​ക​രു​ടെ ജോ​ലി ത​ട​സ്സ​പ്പെ​ടു​ത്തരുത്

മ​സ്ക​റ്റ്: ഒമാനിൽ പ്രവർത്തിക്കുന്ന മാധ്യമ പ്രവർത്തകരുടെ ജോലിയിൽ തടസ്സം സൃഷ്ടിക്കരുതെന്ന് നിർദേശം. മാധ്യമ പ്രവർത്തകരുടെ അവകാശങ്ങൾക്കായി ക​ഴി​ഞ്ഞ ദി​വ​സം പ്ര​ഖ്യാ​പി​ച്ച പു​തി​യ മാ​ധ്യ​മ നി​യ​മത്തിലാണ് ഇത് പറുന്നത്. റേ​ഡി​യോ, ടെ​ലി​വി​ഷ​ൻ തു​ട​ങ്ങി​യ മാ​ധ്യ​മ സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​ന​ങ്ങ​ൾക്ക് ആരെങ്കിലും ബുദ്ധിമുട്ട് വരുത്തിയാൽ അവർ കടുത്ത ശിക്ഷയനുഭവിക്കേണ്ടി വരും.

ഒ​രു വ​ർ​ഷ​ത്തി​ൽ കു​റ​യാ​ത്ത​തും മൂ​ന്ന് വ​ർ​ഷ​ത്തി​ൽ കൂ​ടാ​ത്ത​തു​മാ​യ ത​ട​വുശി​ക്ഷയും, 50,000 റി​യാ​ലി​ൽ കു​റ​യാ​ത്ത​തും 100,000 റി​യാ​ലി​ൽ കൂ​ടാ​ത്ത​തു​മാ​യ പി​ഴ​യുമാണ് ശിക്ഷ. അതേസമയം, ലൈ​സ​ൻ​സ് ല​ഭി​ക്കാ​തെ​യോ, ലൈ​സ​ൻ​സ് ലം​ഘി​ച്ചോ, കാ​ലാ​വ​ധി ക​ഴി​ഞ്ഞ​തി​നു​ശേ​ഷ​മോ മാ​ധ്യ​മ പ്ര​വ​ർ​ത്ത​ന​ത്തി​ൽ ഏ​ർ​പ്പെ​ട്ടാ​ലും ശിക്ഷയനുഭവിക്കണം.

Also Read: പുതുക്കിയ റെസി​ഡ​ൻ​സി നി​യ​മം; ക​ടു​ത്ത ന​ട​പ​ടി നേ​രി​ടേ​ണ്ടി​വ​രും

ആ​ർ​ട്ടി​ക്ക്ൾ 51 പ്രകാരം ​ഒരു വ​ർ​ഷ​ത്തി​ൽ കു​റ​യാ​ത്ത​തും മൂ​ന്ന് വ​ർ​ഷ​ത്തി​ൽ കൂ​ടാ​ത്ത​തു​മാ​യ ത​ട​വ് ശി​ക്ഷയാണ് ലഭിക്കുക. 10,000ത്തി​ൽ കു​റ​യാ​ത്ത​തും 20,000 ത്തി​ൽ കൂ​ടാ​ത്ത​തു​മാ​യ പി​ഴ​യും ചുമത്തും. കൃത്യമല്ലാത്ത വാർത്ത പ്രസിദ്ധീകരിച്ചാലും, തെറ്റ് ആവർത്തിച്ചാലും ശിക്ഷയനുഭവിക്കണം.