ഇന്ന് പലരും അനുഭവിക്കുന്ന ഒരു ആരോഗ്യ പ്രശ്നമാണ് ഉയർന്ന രക്തസമ്മർദ്ദം. അമിത വണ്ണം, മാനസിക സമ്മർദ്ദം, അമിതമായ ഉപ്പിൻറെ ഉപയോഗം, പുകവലി, മദ്യപാനം, തുടങ്ങിയവ രക്തസമ്മർദ്ദം വർധിക്കാൻ കാരണമാകും. രക്തസമ്മർദ്ദത്തെ നിയന്ത്രിക്കാൻ ചെയ്യേണ്ട ചില കാര്യങ്ങൾ എന്തൊക്കെയാണെന്ന് നോക്കാം.
ഉപ്പ് കുറയ്ക്കുക
ഭക്ഷണത്തിൽ സോഡിയം അഥവാ ഉപ്പിൻറെ ഉപയോഗം കുറയ്ക്കുക. ഉപ്പ് കാര്യമായി ചേർക്കുന്ന പാക്കറ്റ് ഭക്ഷണങ്ങൾ, പ്രോസസ് ചെയ്ത ഭക്ഷണങ്ങൾ എന്നിവയുടെ ഉപയോഗവും പരമാവധി കുറയ്ക്കുകയോ ഒഴിവാക്കുകയോ ചെയ്യുക. ഇത് രക്തസമ്മർദ്ദം കുറയ്ക്കാൻ സഹായിക്കും.
ആരോഗ്യകരമായ ഭക്ഷണക്രമം
ആരോഗ്യകരമായ ഭക്ഷണക്രമം പിന്തുടരുക. ഇതിനായി പഴങ്ങളും പച്ചക്കറികളും അടങ്ങിയ ആരോഗ്യകരമായ ഭക്ഷണങ്ങൾ ഡയറ്റിൽ ഉൾപ്പെടുത്തുക. ആരോഗ്യകരമായ ശരീരഭാരം നിലനിർത്താനും ശ്രദ്ധിക്കുക.
വ്യായാമം
പതിവായി വ്യായാമം ചെയ്യുന്നതും ഉയർന്ന രക്തസമ്മർദ്ദത്തെ നിയന്ത്രിക്കാൻ സഹായിക്കും. അതിനാൽ ദിവസവും രാവിലെ കുറഞ്ഞത് മുപ്പത് മിനിറ്റ് എങ്കിലും വ്യായാമം ചെയ്യുക. ഇതിനായി നടത്തം, ഓട്ടം, സൈക്ലിങ് അങ്ങനെ എന്തും തെരെഞ്ഞെടുക്കാം.
മാനസിക സമ്മർദ്ദം കുറയ്ക്കുക
സ്ട്രെസ് അഥവാ മാനസിക സമ്മർദ്ദത്തെ നിയന്ത്രിക്കുന്നതും ബിപി കുറയ്ക്കാൻ ഗുണം ചെയ്യും. ഇതിനായി യോഗ പോലെയുള്ള കാര്യങ്ങൾ ചെയ്യുക.
പുകവലി, മദ്യപാനം
പുകവലിക്കുന്നതിലൂടെ രക്തസമ്മർദ്ദം ഉയരാനുള്ള സാധ്യത വളരെ കൂടുതലാണ്. അതിനാൽ പുകവലി പൂർണ്ണമായും ഉപേക്ഷിക്കുക. അതുപോലെ അമിത മദ്യപാനവും ഒഴിവാക്കുന്നതാണ് രക്തസമ്മർദ്ദത്തെ കുറയ്ക്കാൻ നല്ലത്.
