ഉണ്ടോ ‘തീ​രു​മാ​നോ’ഫോ​ബി​യ​ ?

ഏ​തു ചെറിയ കാര്യത്തിനും തീരുമാനമെടുക്കാൻ കൺഫ്യൂഷൻ ആകുന്നവരാണോ? അതിനെ നിസാരമായി കാണാറുണ്ടോ? എന്നാൽ കാ​ര്യം ചെ​റു​താ​യാ​ലും വ​ലു​താ​യാ​ലും ഇ​തു​പോ​ലെ ഒ​രു തീ​രു​മാ​ന​മെ​ടു​ക്കാ​ൻ ക​ഷ്ട​പ്പെ​ടു​ന്ന​വ​ർ ന​മു​ക്കി​ട​യി​ൽ അത്ര കു​റ​വ​ല്ല. ഒരു തീ​രു​മാ​ന​ത്തി​ലെ​ത്തു​ന്ന​തി​ന് മു​മ്പ് കാ​ര്യ​ങ്ങ​ൾ ന​ന്നാ​യി വി​ശ​ക​ല​നം ചെ​യ്യു​ന്ന​വ​രാ​ണ് അ​വരെന്നുണ്ടെങ്കിൽ അത് നമുക്ക് വേ​ണ​മെ​ങ്കി​ൽ പോ​സി​റ്റി​വാ​യി പ​റ​യാം. പ​ക്ഷേ, ജീ​വി​ത​ത്തി​ലെ ഏ​തൊ​രു ചെ​റി​യ കാ​ര്യ​ത്തി​ൽ തീ​രു​മാ​ന​മെ​ടു​ക്കു​ന്ന​തി​ൽ​പോ​ലും വലിയ ആ​ശ​ങ്ക​യും ഭ​യ​വും ഉ​ണ്ടാ​കു​ന്നു​വെ​ങ്കി​ൽ സൂ​ക്ഷി​ക്കു​ക, നി​ങ്ങ​ൾ ‘ഡി​സൈ​ഡോ​ഫോ​ബി​യ’ എന്ന ‘തീ​രു​മാ​നോ’ഫോ​ബി​യ​യാ​ൽ ബു​ദ്ധി​മു​ട്ടു​ക​യാ​ണ്.

‘ഒ​രു പ്രത്യേക സാ​ഹ​ച​ര്യ​ത്തേ​യോ സ്ഥ​ല​ത്തേ​യോ വ്യ​ക്തി​യേ​യോ കാ​ര്യ​കാ​ര​ണ​മി​ല്ലാ​തെ ഭ​യ​ക്കു​ന്ന​താ​ണ് ഫോ​ബി​യ. ഒ​രു തീ​രു​മാ​ന​മെ​ടു​ക്കു​മ്പോ​ൾ ഇ​ത്ത​രം ഫോ​ബി​യ നി​ങ്ങ​ളെ ബാ​ധി​ക്കു​ന്നു​വെ​ങ്കി​ൽ അ​താ​ണ് ഡി​സൈ​ഡോ​ഫോ​ബി​യ’’ -ഡ​ൽ​ഹി​യി​ലെ മു​തി​ർ​ന്ന മ​നോ​രോ​ഗ വി​ദ​ഗ്ധ​ൻ ഡോ. ​രാ​ജീ​വ് മേ​ത്ത പ​റ​യു​ന്നത്, ഓ​രോ തീ​രു​മാ​ന​ത്തി​ന്റെ​യും ഗു​ണ​വും ദോ​ഷ​വും വി​ല​യി​രു​ത്തു​ന്ന​ത് ഏ​റ്റ​വും ന​ല്ല​തി​ലെ​ത്താ​നു​ള്ള വ​ഴി​ത​ന്നെ​യാ​ണ്. എ​ന്നാ​ൽ, ചി​ല​രി​ൽ ഈ ​പ്ര​വൃ​ത്തി ആ​ധി​യും വി​ഷ​മ​വും സൃ​ഷ്ടി​ക്കും.

Also Read: ഹൃദയസ്തംഭനം ഉണ്ടായാൽ ചെയ്യേണ്ട സിപിആര്‍; പരിശീലനവുമായി കര്‍മ്മപദ്ധതി

നമുക്കും ഉണ്ടോ ഈ ‘ഫോബിയ’ ?

ഇന്നത്തെക്കാലത്ത് ഡി​സൈ​ഡോ​ഫോ​ബി​യ എ​ന്ന​ത് ഒ​രു സ്വ​ത​ന്ത്ര ആ​രോ​ഗ്യ പ്ര​ശ്ന​മ​ല്ല. നമുക്കുണ്ടാകുന്ന മ​റ്റു മാ​ന​സി​ക വി​ഷ​മ​ത​ക​ളാ​യ ആ​ധി, വി​ഷാ​ദം, ഒ​ബ്സ​സ്സി​വ് കം​പ​ൾ​സി​വ് ഡി​സോ​ഡ​ർ തു​ട​ങ്ങി​യ​വ​ക്കൊ​പ്പം ക​ണ്ടു​വ​രാ​റു​ണ്ട്. ഇത് ദൈ​നം​ദി​ന പ്ര​വ​ർ​ത്ത​ന​ത്തെ​യും ന​ല്ലൊ​രു ജീ​വി​ത​ത്തെ​ത​ന്നെ​യും ബാ​ധി​ക്കാ​ൻ തു​ട​ങ്ങും. ചി​ല​രി​ൽ ഇ​ത് ബ​ന്ധ​ങ്ങ​ളെ​യും ജോ​ലി​യേ​യു​മെ​ല്ലാം വലിയ രീതിയിൽ ബാ​ധി​ക്കാ​നി​ട​യു​ണ്ടെ​ന്ന് ഡോ​ക്ട​ർ മേ​ത്ത പ​റ​യു​ന്നു.

​മ​റി​ക​ട​ക്കണ്ടേ നമുക്ക് ?

രോഗം ചി​കി​ത്സി​ക്കു​ന്ന​തി​നു മു​മ്പ്, ആദ്യം നമുക്ക് ഡിസൈ​ഡോ​ഫോ​ബി​യ ബാ​ധി​ച്ചി​ട്ടു​ണ്ടോ എ​ന്ന് ഉ​റ​പ്പാ​ക്ക​ണം. ആ​ധി, വി​ഷാ​ദം തു​ട​ങ്ങി​യ​വ​യു​ടെ ഭാ​ഗ​മാ​യാ​ണ് ഈ ​പ്ര​ശ്ന​വു​മെ​ങ്കി​ൽ തീർച്ചയായും കൗ​ൺ​സ​ലി​ങ്ങും മ​രു​ന്നും ആ​വ​ശ്യ​മാ​യി വ​രും. വ്യ​ക്തി​ക​ൾ​ക്ക​നു​സ​രി​ച്ച് ചി​കി​ത്സയും വ്യ​ത്യാ​സ​പ്പെ​ടും.

ത​നി​ക്ക് തീ​രു​മാ​ന​മെ​ടു​ക്കു​ന്ന​തി​ൽ ചി​ല പ്ര​ശ്ന​ങ്ങ​ളു​ണ്ടെ​ന്ന് സ്വ​യം മ​ന​സ്സി​ലാ​ക്കി, അ​ത് മ​റി​ക​ട​ക്കാ​ൻ ബോ​ധ​പൂ​ർ​വം പ്ര​വ​ർ​ത്തി​ക്കു​ന്ന​ത് പ്ര​ധാ​ന​മാ​ണ്.

Also Read: പുതിനയില വെള്ളം കുടിക്കുന്നത് പതിവാക്കിയാലോ?

അതായത് ഓ​രോ തീ​രു​മാ​ന​ത്തി​ന്റെ​യും ഗു​ണ​വും ദോ​ഷ​വും മ​ന​സ്സി​ൽ ക​ണ​ക്കു​കൂ​ട്ടാ​തെ എ​ഴു​തി താ​ര​ത​മ്യം ചെ​യ്യാം. ശേ​ഷം ഏ​റ്റ​വും കു​റ​ച്ച് ദോ​ഷ​വും ഏ​റ്റ​വും കൂ​ടു​ത​ൽ ഗു​ണ​വു​മു​ള്ള​ത് തെ​ര​ഞ്ഞെ​ടു​ക്കാം. എ​ന്നാ​ൽ, ഒ​രു​കാ​ര്യം ഓ​ർ​ക്കേ​ണ്ട​ത് ഏ​ത് മി​ക​ച്ച തീ​രു​മാ​ന​ത്തി​ലും നെ​ഗ​റ്റി​വു​ക​ൾ ഇ​ല്ലാ​തി​രി​ക്കി​ല്ല -ഡോ​ക്ട​ർ കൂ​ട്ടി​ച്ചേ​ർ​ക്കു​ന്നു.