കോട്ടയം: മലയാള സാഹിത്യകാരനും ഗണിത-കമ്പ്യൂട്ടര്‍ സാങ്കേതികശാസ്ത്ര വിദഗ്ധനുമായ മരങ്ങാട്ടുപിള്ളി പാലാക്കാട്ടുമല മൂത്തേടത്തില്ലത്ത് ഡോ. ശങ്കരന്‍ ത്രിവിക്രമന്‍ നമ്പൂതിരി അന്തരിച്ചു. 92 വയസ്സായിരുന്നു. അമേരിക്കയിലായിരുന്നു അന്ത്യം. കുറച്ചുനാളുകളായി വിശ്രമജീവിതത്തിലായിരുന്നു.
ആറ് പതിറ്റാണ്ടുമുമ്പ് അമേരിക്കയിലെത്തിയ അദ്ദേഹം ഡാലസിനടുത്ത് മെക്കിനിയില്‍ കുടുംബസമേതം താമസിച്ചുവരികയായിരുന്നു. ഭാര്യ: സരസ്വതി അന്തര്‍ജനം (യൂണിവേഴ്‌സിറ്റി ഓഫ് ടെക്സസില്‍ അസിസ്റ്റന്റ് പ്രൊഫസര്‍) മക്കള്‍: ഡോ. മായ, ഇന്ദു (കെമിക്കല്‍ എന്‍ജിനീയര്‍). മരുമകന്‍: വിജയ് ശരദേഷ് പാണ്ഡേ. സംസ്‌കാരം അമേരിക്കയില്‍ നടക്കും.
