ദുബൈ: തിരക്കേറിയതോടെ ദുബൈ അന്താരാഷ്ട്ര വിമാനത്താവളത്തില്‍ നിയന്ത്രണം ഏര്‍പ്പെടുത്തി. യാത്രക്കാരല്ലാത്തവര്‍ക്ക് ഈ മാസം 17 വരെയാണ് വിമാനത്താവളത്തില്‍ നിയന്ത്രണം ഏര്‍പ്പെടുത്തിയിരിക്കുന്നത്. തിരക്കേറുമ്പോള്‍ ടെര്‍മിനലിലേക്ക് യാത്രക്കാര്‍ക്ക് മാത്രമാണ് പ്രവേശനം അനുവദിക്കുക. ടെര്‍മിനല്‍ 1, 3 എന്നിവിടങ്ങളില്‍ പൊതുഗതാഗതത്തിനും അംഗീകൃത എയര്‍പോര്‍ട്ട് വാഹനങ്ങള്‍ക്കും മാത്രമേ അനുവാദമുള്ളൂ.
സ്വകാര്യ വാഹനങ്ങളില്‍ എത്തുന്നവര്‍ പാര്‍ക്കിങ് ടെര്‍മിനലുകളില്‍ നിര്‍ത്തണം. നാല് മണിക്കൂര്‍ മുന്‍പെങ്കിലും യാത്രക്കാരോട് വിമാനത്താവളത്തില്‍ എത്താന്‍ ഫ്‌ലൈദുബൈ ആവശ്യപ്പെട്ടിട്ടുണ്ട്. മൂന്ന് മണിക്കൂര്‍ മുമ്പെങ്കിലും വിമാനത്താവളത്തില്‍ എത്തണമെന്ന് മറ്റ് വിമാന കമ്പനികളും യാത്രക്കാരോട് ആവശ്യപ്പെട്ടിട്ടുണ്ട്.
