ദുല്‍ഖർ സൽമാന്റെ പാന്‍ ഇന്ത്യന്‍ റിലീസായെത്തിയ പുതിയ ചിത്രമാണ് ലക്കി ഭാസ്കര്. പ്രേക്ഷകർ ആരാധനയോടെ കാണുന്ന നടനാണ് ദുല്‍ഖർ .ചിത്രത്തില്‍ ഭാസ്കര് എന്ന ടൈറ്റില്‍ കഥാപാത്രത്തെയാണ് ദുല്‍ഖര്‍ അവതരിപ്പിക്കുന്നത്. സിനിമയുടെ പ്രമോഷൻ പലയിടങ്ങളിലായി നടന്നിരുന്നു. ആഗോള തലത്തില്‍ ചിത്രം നേടിയ ഓപണിംഗ് കളക്ഷന്‍ സംബന്ധിച്ച കണക്കുകള്‍ നിര്‍മ്മാതാക്കള്‍ ഇപ്പോൾ പുറത്തുവിട്ടിരിക്കുകയാണ്.കേരള ഓപണിംഗ് സംബന്ധിച്ച ഒഫിഷ്യല്‍ കണക്കുകളും പുറത്തുവിട്ടിട്ടുണ്ട്.
ALSO READ: നയന്‍താര: ബിയോണ്ട് ദി ഫെയറിടെയില്‍; റിലീസ് ഡേറ്റ് പ്രഖ്യാപിച്ചു
മുംബൈ നഗരത്തിന്റെ പശ്ചാത്തലത്തിൽ കഥ പറയുന്ന ഈ പീരീഡ് ഡ്രാമയിൽ ഒരു ബാങ്ക് കാഷ്യറുടെ വേഷത്തിലാണ് ദുൽഖർ സൽമാൻ എത്തുന്നത്.
ആദ്യദിനം ചിത്രം കേരളത്തില്‍ നിന്ന് നേടിയത് 2.05 കോടിയാണെന്ന് വിതരണക്കാരായ വേഫെറര്‍ ഫിലിംസ് അറിയിച്ചു. ദുല്‍ഖര്‍ സല്‍മാന്‍റെ തന്നെ ഉടമസ്ഥതയിലുള്ള നിര്‍മ്മാണ, വിതരണ കമ്പനിയാണ് വേഫെറര്‍. അതേസമയം ആഗോള ബോക്സ് ഓഫീസില്‍ നിന്ന് ആദ്യദിനം ചിത്രം നേടിയത് 12.7 കോടിയാണ്. നിര്‍മ്മാതാക്കളായ സിതാര എന്‍റര്‍ടെയ്ന്‍‍മെന്‍റ്സ് ആണ് ഇതറിയിച്ചത്.
