കൊച്ചി: കാക്കനാട് കെട്ടിട നിര്മാണത്തിനിടെ ഇരുമ്പ്തട്ട് തകര്ന്ന് വീണ് ഒരാള് മരിച്ചു. സ്മാര്ട് സിറ്റിയില് പെയിന്റടിക്കാന് സ്ഥാപിച്ച ഇരുമ്പ് ഫ്രെയിമാണ് തകര്ന്നുവീണത്. ഒരു തൊഴിലാളി മരിച്ചു. പരിക്കേറ്റ അഞ്ച് പേരെ ആശുപത്രിയില് പ്രവേശിപ്പിച്ചിട്ടുണ്ട്.
പെയിന്റ് അടിക്കുവേണ്ടി തൊഴിലാളികള്ക്ക് നിന്ന് പണിയെടുക്കാന് സ്ഥാപിച്ച ഇരുമ്പുതട്ട് തകര്ന്ന് മുകളില് നിന്ന് തൊഴിലാളികള് താഴെ വീഴുകയായിരുന്നു. ഇതരസംസ്ഥാന തൊഴിലാളികളാണ് അപകടത്തില്പ്പെട്ടത്. ബിഹാര് സ്വദേശി ഉത്തമാണ് മരിച്ചത്.