കവരത്തി: ലക്ഷദ്വീപ് കടലില് ഭൂചലനം. റിക്ടര് സ്കെയിലില് 4.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായി ദേശീയ ഭൂകമ്പ നിരീക്ഷണ കേന്ദ്രം അറിയിച്ചു. രാത്രി 12.15 മുതല് അരമണിക്കൂറോളം പ്രകമ്പനം നീണ്ടുനിന്നതായാണ് റിപ്പോര്ട്ട്. പരിക്കോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല.
മിനിക്കോയ് ദ്വീപില് നിന്ന് 195 കിലോമീറ്റര് അകലെ കടലില് 27 കിലോമീറ്റര് ആഴത്തിലാണ് ഭൂചലനത്തിന്റെ പ്രഭവകേന്ദ്രം. കവരത്തിക്ക് തെക്ക് 63 ആന്ത്രോത്ത്, അഗത്തി, അമിനി, കടമം ദ്വീപുകളില് പ്രകമ്പനം ഉണ്ടായതായി റിപ്പോര്ട്ടുണ്ട്. തുടര്ചലനങ്ങള് ഉണ്ടാകുമോ എന്ന കാര്യത്തില് വ്യക്തത വന്നിട്ടില്ല.