പലരുടെയും പ്രീയപ്പെട്ട ഭക്ഷണങ്ങളിലൊന്നാണ് ചിക്കന്‍ കൊണ്ടുണ്ടാക്കുന്ന വിഭവങ്ങള്‍. ചിക്കന്‍ കൊണ്ട് പല തരത്തിലുള്ള വിഭവങ്ങളും തയ്യാറാക്കാറുമുണ്ട്. അത്തരത്തില്‍ ചിക്കന്‍ കൊണ്ട് എളുപ്പം തയ്യാറാക്കാവുന്ന ഒന്നാണ് ചിക്കന്‍ ഫ്രൈ. എങ്ങനെയാണ് ചിക്കന്‍ ഫ്രൈ തയ്യാറാക്കുന്നതെന്ന് നോക്കാം.
വേണ്ട ചേരുവകള്‍
കോഴിക്കാല്‍ : 2 എണ്ണം
കാശ്മീരി മുളകുപൊടി: 1 ടേബിള്‍സ്പൂണ്‍
മഞ്ഞള്‍ പൊടി: 1/4 ടേബിള്‍സ്പൂണ്‍
ഉപ്പ്: ആവിശ്യത്തിന്
വെളിച്ചെണ്ണ: 20 മില്ലി
ചെറിയുള്ളി: 15 ഗ്രാം
വെളുത്തുള്ളി: 10 ഗ്രാം
വറ്റല്‍മുളക്: 4 എണ്ണം
കറിവേപ്പില: 5 എണ്ണം ചെറുതായി അരിഞ്ഞത്
നാരങ്ങ നീര് ആവിശ്യത്തിന്
തയ്യാറാക്കുന്ന രീതി;
1) വെളുത്തുള്ളി, ചെറിയുള്ളി, വറ്റല്‍മുളക് ചതച്ചു വക്കുക
2) കോഴിക്കാല്‍ നന്നായി വരഞ്ഞ് എല്ലാ ചേരുവകളും ചേര്‍ത്തുകൊണ്ട് നന്നായി മിക്സ് ചെയ്തു മിനിമം 30 മിനിറ്റ് വക്കുക
3) നോണ്‍സ്റ്റിക്ക് പാന്‍ ഇല്‍ എണ്ണ ചൂടാക്കി, ചെറു തീയില്‍ 10 – 15 മിനിറ്റ് തിരിച്ചും മറിച്ചും ഫ്രൈ ചെയ്ത് എടുക്കുക.
