തിരുവനന്തപുരം: എക്സൈസ് തിരുവനന്തപുരം റേഞ്ച് ഓഫിസിലെ വനിതാ സിവിൽ എക്സൈസ് ഓഫിസർ വാഹനാപകടത്തിൽ മരിച്ചു. എൻ ഷാനിദ(37) ആണ് മരിച്ചത്. ഔദ്യോഗിക കൃത്യനിർവഹണം കഴിഞ്ഞ് മടങ്ങവെയായിരുന്നു അപകടം.
ഷാനിദ സഞ്ചരിച്ച സ്കൂട്ടർ പാറ്റൂരിലെ ഡിവൈഡറിൽ തട്ടി മറിഞ്ഞതിനു പിന്നാലെ കാർ വന്നിടിക്കുകയായിരുന്നു. തുടർന്ന് ഷാനിദയെ ആശുപത്രയിൽ പ്രവേശിപ്പിക്കുകയും ചികിത്സയിലിരിക്കെ മരിക്കുകയുമായിരുന്നു. മൃതദേഹം തിരുമല മുസ്‌ലിം ജമാഅത്ത് പള്ളിയിൽ കബറടക്കി. ഭർത്താവ് നസീർ.
