പാകിസ്ഥാൻ: പാക്കിസ്ഥാനിൽ, കാലാവസ്ഥാ വ്യതിയാനം മൂലമുണ്ടാകുന്ന സാമ്പത്തിക ബുദ്ധിമുട്ടുകൾ ശൈശവ വിവാഹങ്ങളുടെ വർദ്ധനവിന് കാരണമാവുന്നു. പാക്കിസ്ഥാനിൽ മൺസൂൺ മഴ പൊട്ടിപ്പുറപ്പെടാനിരിക്കെ, പണത്തിന് പകരമായി 14 കാരിയായ ഷാമിലയെയും അവളുടെ 13 വയസ്സുള്ള സഹോദരി ആമിനയെയും വിവാഹം കഴിപ്പിച്ചു. വെള്ളപ്പൊക്ക ഭീഷണിയിൽ നിന്ന് കുടുംബത്തെ അതിജീവിക്കാൻ മാതാപിതാക്കൾ എടുത്ത മാർഗമായിരുന്നു ഇത്.
പ്രായപൂർത്തിയാകാത്ത പെൺകുട്ടികൾക്കായുള്ള പാക്കിസ്ഥാനിലെ ഉയർന്ന വിവാഹ നിരക്ക് സമീപ വർഷങ്ങളിൽ കുറവായിരുന്നു, എന്നാൽ 2022 ലെ വെള്ളപ്പൊക്കത്തിന് ശേഷം, കാലാവസ്ഥാ പ്രേരിതമായ സാമ്പത്തിക അരക്ഷിതാവസ്ഥ കാരണം അത്തരം വിവാഹങ്ങൾ ഇപ്പോൾ വർദ്ധിച്ചുകൊണ്ടിരിക്കുകയാണെന്ന് അവകാശ പ്രവർത്തകർ മുന്നറിയിപ്പ് നൽകുന്നു.
2022-ലെ വെള്ളപ്പൊക്കത്തിൽ നിന്ന് സിന്ധിലെ കാർഷികമേഖലയിലെ പല ഗ്രാമങ്ങളും കരകയറിയിട്ടില്ല, ഇത് രാജ്യത്തിൻ്റെ മൂന്നിലൊന്ന് വെള്ളത്തിനടിയിലാക്കുകയും ദശലക്ഷക്കണക്കിന് ആളുകളെ മാറ്റിപ്പാർപ്പിക്കുകയും വിളവെടുപ്പ് നശിപ്പിക്കുകയും ചെയ്തു.
ഇത് ‘മൺസൂൺ വധുക്കൾ’ എന്ന പുതിയ പ്രവണതയിലേക്ക് നയിച്ചതായി ശൈശവ വിവാഹത്തിനെതിരെ പോരാടുന്നതിന് മതപണ്ഡിതന്മാരോടൊപ്പം പ്രവർത്തിക്കുന്ന സുജാഗ് സൻസാർ എന്ന എൻ.ജി.ഒ.യുടെ സ്ഥാപകൻ മഷൂഖ് ബിർഹ്മാനി പറഞ്ഞു. 2022-ലെ വെള്ളപ്പൊക്കത്തിനുശേഷം, ദാദു ജില്ലയിലെ ഗ്രാമങ്ങളിൽ ശൈശവവിവാഹം വർധിച്ചതായി ബിർഹ്മാനി പറഞ്ഞു. ഏറ്റവും കൂടുതൽ നാശനഷ്ടമുണ്ടായ പ്രദേശങ്ങളിലൊന്നാണിത്.
റിപ്പോർട്ട് അനുസരിച്ച്, ഷാമിലയുടെ അമ്മായിയമ്മ ബിബി സച്ചൽ അവർക്കായി രണ്ട് ലക്ഷം പാകിസ്ഥാൻ രൂപ നൽകിയിട്ടുണ്ട്. ലോകത്ത് 18 വയസ്സിന് മുമ്പ് വിവാഹിതരായ പെൺകുട്ടികളുടെ എണ്ണത്തിൽ പാകിസ്ഥാൻ ആറാം സ്ഥാനത്താണ്.
