കാഴ്ച നമുക്ക് വലിയ ഒരു അനുഗ്രഹം ആണ് അല്ലെ, ലോലമായ നമ്മുടെ കണ്ണുകളെ അതേപോലെ സൂക്ഷിക്കുകയും വേണം. കണ്ണില്‍ നിന്നും തലച്ചോറിലേക്ക് ദൃശ്യവിവരങ്ങള്‍ എത്തിക്കുന്ന ഒപ്റ്റിക് നാഡിക്ക് കേടുപാടുകള്‍ വരുത്തുന്ന നേത്രരോഗമാണ് ഗ്ലോക്കോമ. കണ്ണിനുള്ളില്‍ സമ്മര്‍ദ്ദം വര്‍ധിക്കുമ്പോഴാണ് ഇത്തരത്തില്‍ കേടുപാടുകള്‍ ഉണ്ടാകുന്നത്. പ്രാരംഭ ഘട്ടത്തിൽ ചികിത്സിച്ചില്ലെങ്കിൽ നമ്മുടെ കാഴ്ച നഷ്ടപ്പെടുന്നതിന് വരെ ഈ രോഗം കാരണമാകും.
11.9 ദശലക്ഷം ഗ്ലോക്കോമ രോഗികൾ ഇന്ത്യയില്‍ ഉണ്ടെന്നാണ് ഈ വര്‍ഷത്തെ കണക്കുകള്‍ പറയുന്നത്. ഇവരില്‍ 8.9 ദശലക്ഷം അന്ധത ബാധിച്ചവരാണ്. ഇന്ത്യയിലെ 12.8% അന്ധതയ്ക്കും ഗ്ലോക്കോമ കാരണമാകുന്നു.
Also Read: ആകെ കുഴപ്പമാണ്… ശരിയാണ്, കുഴപ്പമുണ്ടാക്കും ഉയർന്ന കോർട്ടിസോൾ!
ആർക്കൊക്കെ ഗ്ലോക്കോമ വരാം?
40 വയസ്സിനു മുകളിൽ പ്രായമുള്ളവരിൽ, ഗ്ലോക്കോമയുടെ കുടുംബ പശ്ചാത്തലം (family history), പ്രമേഹം, തീവ്രമായ മയോപിയ ഉള്ളവരില്‍, കണ്ണിന് പരിക്ക് അല്ലെങ്കില്‍ ശസ്ത്രക്രിയ നടത്തിയിട്ടുണ്ടെങ്കില്‍ തുടങ്ങിയവര്‍ക്കൊക്കെ ഈ രോഗ സാധ്യത കൂടുതലാണ്.
ഗ്ലോക്കോമയുടെ ലക്ഷണങ്ങൾ:
മങ്ങിയതോ അവ്യക്തമായതോ ആയ കാഴ്ച
40 വയസിന് മുമ്പേ റീഡിംഗ് ഗ്ലാസുകള്‍ വേണ്ടിവരുക
കണ്ണ് വേദനയും തലവേദനയും
കണ്ണുകൾ ചുവക്കുക
കണ്ണ് വേദനയ്ക്കൊപ്പം ഓക്കാനം അല്ലെങ്കില്‍ ഛര്‍ദ്ദി
ലൈറ്റുകൾക്ക് ചുറ്റും മഴവില്ല് നിറങ്ങൾ കാണുന്നത്, പ്രത്യേകിച്ച് രാത്രിയിൽ.
വേദന ഇല്ലാത്ത ഉയർന്ന കണ്ണ് മർദ്ദം
Also Read: ആകെ കുഴപ്പമാണ്… ശരിയാണ്, കുഴപ്പമുണ്ടാക്കും ഉയർന്ന കോർട്ടിസോൾ!
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ ‘കൺസൾട്ട്’ ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
