സുധീഷ് ശങ്കര്‍ സംവിധാനം ചെയ്യുന്ന മാരീശൻ എന്ന ചിത്രത്തിലാണ് ഫഹദും വടിവേലുവും പ്രധാന കഥാപാത്രങ്ങളെ അവതരിപ്പിക്കുന്നത്. മാരീശൻകോമഡിക്ക് പ്രാധാന്യമുള്ള ഒരു റോഡ് മൂവി ആയിരിക്കുമെന്നാണ് കരുതപ്പെടുന്നത്. ഇപ്പോഴിതാ ദീപാവലി പ്രമാണിച്ച് ചിത്രത്തിന്റെ സ്‌പെഷല്‍ പോസ്റ്ററുകള്‍ പുറത്തുവിട്ടിരിക്കുകയാണ് അണിയറക്കാര്‍. ഇതില്‍ ആദ്യമെത്തിയ പ്രധാന പോസ്റ്ററില്‍ ഒരു പഴയ ബൈക്കില്‍ പോകുന്ന ഫഹദിന്റെയും വടിവേലുവിന്റെയും കഥാപാത്രങ്ങളെ കാണാം. ഫഹദാണ് വണ്ടി ഓടിക്കുന്നത്.
Also Read : റിഷഭ് ഷെട്ടി ചിത്രം ‘ജയ് ഹനുമാന്‍’ തീം സോങ് പുറത്ത്
സൂപ്പര്‍ ഗുഡ് ഫിലിംസിന്റെ ബാനറില്‍ ആര്‍ ബി ചൗധരിയാണ് ചിത്രം നിര്‍മ്മിക്കുന്നത്. നിരവധി ഹിറ്റുകള്‍ സിനിമാലോകത്തിന് സമ്മാനിച്ചിട്ടുള്ള സൂപ്പര്‍ ഗുഡ് ഫിലിംസിന്റെ 98-ാം ചിത്രമാണ് മാരീശൻ. കലൈസെല്‍വന്‍ ശിവജിയാണ് ചിത്രത്തിന്റെ ഛായാഗ്രഹണം. എഡിറ്റിംഗ് ശ്രീജിത്ത് സാരംഗും സംഗീത സംവിധാനം യുവന്‍ ശങ്കര്‍ രാജയുമാണ്. രജനി ചിത്രം വേട്ടൈയന്‍ ആണ് ഫഹദിന്റേതായി തമിഴില്‍ അവസാനം ഇറങ്ങിയ ചിത്രം.
