വ്യാ​ജ ഓ​ൺ​ലൈ​ൻ പ​ര​സ്യം; മു​ന്ന​റി​യി​പ്പു​മാ​യി ഒ​മാ​ൻ പൊ​ലീ​സ്

മ​സ്ക​ത്ത്: വ്യാ​ജ ഓ​ൺ​ലൈ​ൻ പ​ര​സ്യ​ങ്ങ​ൾ​ക്കെ​തി​രെ മു​ന്ന​റി​യി​പ്പ് നൽകി റോ​യ​ൽ ഒ​മാ​ൻ പൊ​ലീ​സ്. ഔ​ദ്യോ​ഗി​ക ലോ​ഗോ​ക​ളും മു​ഖ​ങ്ങ​ളും ഉ​പ​യോ​ഗി​ച്ചു​ള്ള വ്യാ​ജ പ​ര​സ്യ​ങ്ങ​ൾ കൂടുതൽ വന്നതോടെയാണ് അ​ധി​കൃ​ത​ർ മു​ന്ന​റി​യി​പ്പ് നൽകിയത്. ഇ​ത്ത​രത്തിലുള്ള വ്യാജ പ​ര​സ്യ​ങ്ങ​ൾ ക​ണ്ട് ഇ​ട​പാ​ടു​ക​ളി​ൽ ഏ​ർ​പ്പെ​ടു​ന്ന​തി​ന് ​മു​മ്പ് വ്യക്തമായി പരിശോധിക്കണമെന്ന് അധികൃതർ പറഞ്ഞു.

ഓ​ൺ​ലൈ​ൻ പ​ര​സ്യ​ങ്ങ​ളു​ടെ ആ​ധി​കാ​രി​ക​ത പ​രി​ശോ​ധി​ച്ച് ഉറപ്പുവരുത്തണമെന്ന് ആ​ർ.​ഒ.​പി പൊ​തു​ജ​ന​ങ്ങ​​ളോ​ട് അ​ഭ്യ​ർ​ത്ഥി​ച്ചു. ഇ​ത്ത​രം പ​ര​സ്യ​ങ്ങ​ളി​ലൂ​ടെ ഇ​ര​ക​ളെ വി​ശ്വാ​സ​ത്തി​ലെ​ടു​ത്ത് ബാ​ങ്കി​ങ്ങ് വി​വ​ര​ങ്ങ​ളും മ​റ്റും കൈ​വ​ശ​പ്പെ​ടു​ത്തും. പ​ര​സ്യ​ങ്ങ​ളു​ടെ ഉ​റ​വി​ടം പ​രി​ശോ​ധി​ക്കു​ക, വ്യാ​ജ ലോ​ഗോ​ക​ൾ സൂ​ക്ഷി​ക്കു​ക, സം​ശ​യാ​സ്പ​ദ​മാ​യ ലി​ങ്കു​ക​ൾ ഒ​ഴി​വാ​ക്കു​ക, സാ​മ്പ​ത്തി​ക വി​വ​ര​ങ്ങ​ൾ പ​ങ്കി​ടാ​തി​രി​ക്കു​ക എ​ന്നി​വ​ ശ്ര​ദ്ധി​ക്ക​ണ​മെ​ന്നും ആ​ർ.​ഒ.​പി​യു​ടെ മു​ന്നി​റി​യി​പ്പി​ൽ പ​റ​യു​ന്നു.

Also Read: സ്വദേശി നിയമനം നിർബന്ധമാക്കി യുഎഇ

ഓ​ൺ​ലൈ​ൻ ത​ട്ടി​പ്പു​ക​ൾ​ക്കെ​തി​രെ മി​ക​ച്ച ബോ​ധ​വ​ത്ക​ര​ണ​മാ​ണ് റോ​യ​ൽ ഒ​മാ​ൻ പൊ​ലീ​സും ബാ​ങ്കി​ങ് മേ​ഖ​ല​യും ന​ട​ത്തി​ക്കൊ​ണ്ടി​രി​ക്കു​ന്ന​ത്. ബാ​ങ്ക് ജീ​വ​ന​ക്കാ​രെ​ന്ന് പ​റ​ഞ്ഞ് ആ​ളു​ക​ളെ ക​ബ​ളി​പ്പി​ച്ച സം​ഭ​വ​ത്തി​ൽ ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്നു​ള്ള ആ​റു​പേ​രെ റോ​യ​ൽ ഒ​മാ​ൻ പൊ​ലീ​സ് അ​ടു​ത്തി​ടെ അ​റ​സ്റ്റ് ചെ​യ്തി​രു​ന്നു.

ബാ​ങ്കി​ങ് വി​വ​ര​ങ്ങ​ൾ അ​പ്ഡേ​റ്റ് ചെ​യ്യാ​നെ​ന്ന് പ​റ​ഞ്ഞാ​യി​രു​ന്നു ഇ​വ​ർ ഇ​ര​ക​ളി​ൽ​നി​ന്ന് അ​ക്കൗ​ണ്ട് വി​വ​ര​ങ്ങൾ​ കൈക്കലാക്കിയത്. പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്നും ഇ​ത്ത​രം കോളു​ക​ളോ​ട് പ്ര​തി​ക​രി​ക്ക​രു​തെ​ന്നും വ്യക്തമാക്കി. അ​ജ്ഞാ​ത വ്യ​ക്തി​ക​ളോ​ട് വ്യ​ക്തി​ഗ​ത, ബാ​ങ്കി​ങ് വി​വ​ര​ങ്ങ​ൾ വെ​ളി​പ്പെ​ടു​ത്ത​രു​തെ​ന്നും ജാഗ്രത പാലിക്കണമെന്നും റോ​യ​ൽ ഒ​മാ​ൻ പൊ​ലീ​സ് അ​ഭ്യ​ർ​ത്ഥിച്ചു.