അടുത്ത പൊങ്കല്‍ റിലീസിനൊരുങ്ങി അജിത്ത് ചിത്രം വിഡാ മുയര്‍ച്ചി. ആരാധകർ ആകാംഷയോടെ കാത്തിരിക്കുന്ന ചിത്രമാണിത് . സിനിമാ മേഖലയിൽ അജിത്ത് വീണ്ടും ആധിപത്യമുറപ്പിക്കുന്നതിനായി കാത്തിരിക്കുകയാണ് ആരാധകർ. അജിത്ത് കുമാര്‍ നായകനായി ഒരു വര്‍ഷത്തിനടുത്ത് ആയി റിലീസുണ്ടായിട്ടെന്നതിനാല്‍ വിഡാ മുയര്‍ച്ചി വൻ ആഘോഷമാകും എന്നും വ്യക്തമായി.
ALSO READ: കാസ്റ്റിങ് കൗച്ച് തടഞ്ഞതു കൊണ്ട് സിനിമ നഷ്ടപ്പെട്ടു; ഗോകുൽ സുരേഷ്
വിഡാ മുയര്‍ച്ചി അജിത്തിന്റെ വൻ ഹിറ്റുകളിൽ ഇടം പിടിക്കണമെന്ന് ആരാധകർ ആഗ്രഹിക്കുന്നു . പടത്തിന്റെ പ്രഖ്യാപനം കഴിഞ്ഞ് ഒരു വര്‍ഷത്തിലധികം ആയി.അസെര്‍ബെയ്‍ജാനില്‍ വിഡാ മുയര്‍ച്ചിയുടെ ചിത്രീകരണ വാര്‍ത്തകള്‍ നിരന്തരം ചര്‍ച്ചയായിരുന്നു. പല പ്രശ്നങ്ങളാൽ ചിത്രീകരണം തടസ്സപ്പെടുകയുണ്ടായി. കലാസംവിധായകൻ മിലൻ സിനിമയുടെ ചിത്രീകരണം നടക്കുന്ന കാലയളവിൽ ഹൃദയാഘാതത്താല്‍ മരിച്ചിരുന്നു . ഇതിനിടയിൽ പരിക്കേറ്റ അജിത്ത് ഇന്ത്യയിലേക്ക് മടങ്ങിയിരുന്നു. ആരോഗ്യം ഭേദമായി വീണ്ടും സിനിമയുടെ ചിത്രീകരണത്തില്‍ പങ്കെടുക്കുകയായിരുന്നു. ഒടുവില്‍ അജിത്തിന്റെ വിഡാ മുയര്‍ച്ചി സിനിമയുടെ ചിത്രീകരണം ഏതാണ്ട് പൂര്‍ത്തിയാക്കിയെന്നും റിപ്പോര്‍ട്ടുണ്ട്.
ഹിറ്റ്‍മേക്കര്‍ അറ്റ്‍ലിയുടെ ഒരു തമിഴ് ചിത്രത്തില്‍ അജിത്ത് നായകനാകും എന്ന് റിപ്പോര്‍ട്ടുണ്ട്. സുധ കൊങ്ങര പ്രസാദ് സംവിധാനത്തിലുള്ള ചിത്രത്തിലും അജിത്ത് നായകനായേക്കുമെന്നും ഒരു റിപ്പോര്‍ട്ടുണ്ട്. സംവിധായകൻ ശ്രീ ഗണേഷ് അജിത്തുമായി സിനിമ സംബന്ധിച്ച് ചര്‍ച്ചകളിലാണെന്ന റിപ്പോര്‍ട്ടുകള്‍ ആരാധകര്‍ക്കിടയില്‍ പ്രചരിക്കുന്നുണ്ട്.
