കല്‍പ്പറ്റ: വില്‍പ്പനക്കായി കൈവശം വച്ചിരുന്ന ഹാന്‍സും കൂള്‍ ലിപ്പുമായി അച്ഛനും മകനും അറസ്റ്റില്‍. കമ്പളക്കാട് തൂമ്പറ്റ വീട്ടില്‍ ടി. അസീസ് (52), ഇയാളുടെ മകന്‍ സല്‍മാന്‍ ഫാരിസ് (26) എന്നിവരെയാണ് പൊലീസ് അറസ്റ്റ് ചെയ്തത്. അഞ്ച് പാക്കറ്റ് ഹാന്‍സും ഏഴ് പാക്കറ്റ് കൂള്‍ ലിപ്പുമാണ് അസീസിന്റെ കൈയ്യില്‍ നിന്നും പിടിച്ചെടുത്തത്.
കല്‍പ്പറ്റ ഗവണ്മെന്റ് എല്‍. പി സ്‌കൂളിന് സമീപം വച്ചാണ് ഇയാള്‍ പോലീസിന്റെ പിടിയിലാകുന്നത്. തുടര്‍ന്ന് ഇയാളുടെ കമ്പളക്കാടുള്ള വീട്ടില്‍ പൊലീസ് നടത്തിയ പരിശോധനയിലാണ് 120 പാക്കറ്റ് ഹാന്‍സുമായി മകന്‍ സല്‍മാന്‍ ഫാരിസ് പിടിയിലാവുന്നത്.
