മകൾക്ക് അച്ഛന്റെ സല്യൂട്ട്

തെലങ്കാന: ഐഎഎസുകാരിയായി തന്റെ മുന്നിലെത്തിയ മകൾക്ക് പൊലീസ് യൂണിഫോമിൽനിന്ന് സല്യൂട്ട് ചെയ്ത് അച്ഛൻ. ഐഎഎസ് പരിശീലനത്തിന്റെ ഭാഗമായി പൊലീസ് അക്കാദമിയിലെത്തിയ മകൾ എ. ഉമാ ഹാരതിയെ എസ്പി എൻ. വെങ്കടേശ്വരലു സല്യൂട്ട് ചെയ്യുന്ന ഈ ചിത്രം സമൂഹമാധ്യമങ്ങളിൽ പ്രചരിച്ചിരുന്നു.

ഹൈദരാബാദ് പൊലീസ് അക്കാദമിയുടെ ഡപ്യൂട്ടി ഡയറക്ടറാണ് എസ്പി എൻ.വെങ്കടേശ്വരലു. 2022ലെ ഐഎഎസ് മൂന്നാം റാങ്കുകാരിയാണ് എ.ഉമാ ഹാരതി. കവാടത്തിൽ മകളെയും സംഘത്തെയും സ്വീകരിച്ച അച്ഛൻ യൂണിഫോമിൽ നീട്ടിയൊരു സല്യൂട്ട് നൽകുകയായിരുന്നു. ഇരുവർക്കും അത് അഭിമാനനിമിഷമായിരുന്നു.