ആദ്യമായി മോഹൻലാല്‍ സംവിധായകനാകുന്ന ബറോസിന്റെ റീലീസ് തിയതി പ്രഖ്യാപിച്ചു. സംവിധായകൻ ഫാസിലാണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. ക്രിസ്മസ് റിലീസായി ഡിസംബര്‍ 25നാണ് ചിത്രം തിയറ്ററില്‍ എത്തുന്നത്. റിലീസ് തിയതിയുടെ സവിശേഷത വ്യക്തമാക്കിക്കൊണ്ടുള്ള ഫാസിലിന്റെ വിഡിയോയ്‌ക്കൊപ്പമായിരുന്നു പ്രഖ്യാപനം.
”ബറോസിന്റെ റിലീസ് പ്രഖ്യാപിച്ചിക്കാമോയെന്ന് മോഹൻലാല്‍ ചോദിച്ചു, എപ്പോഴെന്ന് റിലീസിസെന്ന് ഞാൻ മോഹൻലാലിനോട് ചോദിച്ചു. റിലീസ് 2024 ഡിസംബര്‍ ഇരുപത്തിയഞ്ചിനാണ്. മോഹൻലാല്‍ റിലീസ് തിയ്യതി പറഞ്ഞപ്പോള്‍ താൻ വല്ലാതെ വിസ്‍മയിച്ചു.
Also Read: ‘100 രൂപയുടെ ടീ-ഷർട്ട് കണ്ടാൽ ഇപ്പോഴും വാങ്ങും’; ഭൂതകാലത്തെക്കുറിച്ച് വെളിപ്പെടുത്തി താരം
ആ ദിവസത്തിന്റെ പ്രത്യേകതയെക്കുറിച്ച് താന്‍ പറഞ്ഞപ്പോള്‍ മോഹന്‍ലാല്‍ അതിനേക്കാളേറെ അമ്പരന്നെന്നും അറിയാതെ ദൈവമേ എന്നു വിളിച്ചുപോയെന്നും ഫാസില്‍ കൂട്ടിച്ചേര്‍ത്തു”. പാച്ചിക്കയുടെ സ്‌നേഹത്തിനും അനുഗ്രഹത്തിനും നന്ദി പറഞ്ഞുകൊണ്ട് മോഹന്‍ലാല്‍ ആണ് വിഡിയോ പങ്കുവച്ചത്.
മോഹന്‍ലാല്‍ എന്ന 19കാരനെ ഇന്നറിയുന്ന മോഹന്‍ലാലാക്കിയത് മഞ്ഞില്‍ വിരിഞ്ഞ പൂക്കളാണ്. സൂപ്പര്‍ഹിറ്റായ ചിത്രം മലയാള സിനിമയുടെ തന്നെ ഗതി മാറ്റി എന്നാണ് പറയപ്പെടുന്നത്. വര്‍ഷങ്ങള്‍ക്ക് ശേഷം മോഹന്‍ലാല്‍ തന്നെ നായകനായ മണിച്ചിത്രത്താഴ് എത്തുന്നത്. അത് സൂപ്പര്‍ ഡ്യൂപ്പര്‍ഹിറ്റായി. മഞ്ഞില്‍ വിരിഞ്ഞ പൂവ് റിലീസായത് 1980 ഡിസംബര്‍ 25നായിരുന്നു. മണിച്ചിത്രത്താഴ് റിലീസ് ചെയ്തതും ഡിസംബര്‍ 25നായിരുന്നു. ബറോസിന്റെ റിലീസും മറ്റൊരു 25ന്. ഇതൊക്കെ ദൈവകൃപയാണെന്ന് ഫാസില്‍ പറയുന്നു.
