പല തരം ചായകൾ നാം ട്രൈ ചെയ്യാനുണ്ട്. എന്നാൽ പെരും ജീരകം ഇട്ടൊരു ചായ കുടിച്ചിട്ടുണ്ടോ. നിരവധി ആരോഗ്യ ഗുണങ്ങള്‍ അടങ്ങിയ ഒരു സുഗന്ധവ്യജ്ഞനമാണ് പെരുംജീരകം. അതിനാല്‍ പെരുംജീരകം ചേര്‍ത്ത ചായ കുടിക്കുന്നതും നല്ലതാണ്. ഇതിനായി ആവിശ്യമായ ചേരുവകൾ നമുക്ക് നോക്കാം.
പെരുംജീരകം 2 സ്പൂൺ ,വെള്ളം 3 ഗ്ലാസ്‌ ,ചുക്ക് 1/2 സ്പൂൺ ,തേൻ/ പഞ്ചസാര 2 സ്പൂൺ എന്നിവ കൊണ്ട് രുചികരമായ പെരും ജീരക ചായ ഉണ്ടാക്കാം. ഇത് തയ്യാറാക്കുന്നതിനായി പെരുംജീരകം നല്ലതുപോലെ ഒന്ന് വറുത്തെടുക്കുക. അതിന്‍റെയൊപ്പം തന്നെ കുറച്ച് ചുക്കുപൊടിയും കൂടി ചേർത്ത് നന്നായിട്ട് വറുത്തെടുത്ത് ഇതിനെ ഒന്ന് പൊടിച്ചെടുക്കുക.
ALSO READ: സ്ഥിരമായി മേക്കപ്പ് ഇടുന്നവരാണോ..? ശ്രദ്ധിക്കണം
അതിനുശേഷം ഒരു പാത്രത്തിലേയ്ക്ക് ആവശ്യത്തിന് വെള്ളം ഒഴിക്കുക. വെള്ളം തിളച്ചു കഴിയുമ്പോൾ അതിലേക്ക് പെരുംജീരകത്തിന്റെ ഈ ഒരു പൊടിയും ചായപ്പൊടിയും ചേർത്തു കൊടുത്തു നന്നായി തിളപ്പിക്കുക. ശേഷം ഇതിനെ അരിച്ചെടുത്ത് ആവശ്യത്തിന് തേനോ പഞ്ചസാരയോ ചേർത്തു നമുക്ക് കുടിക്കാവുന്നതാണ്.
