മണിപ്പൂർ: മണിപ്പൂരിൽ കർഷകർക്ക് നേരെ ആക്രമണമുണ്ടായതായി റിപ്പോർട്ട്. തമ്‌നാപോക്പിയിലാണ് കർഷകർക്ക് നേരെ വെടിവെപ്പ് ഉണ്ടായത്. കുക്കി വിഭാഗത്തിൽപ്പെട്ടവരാണ് ആക്രമണം നടത്തിയതെന്നാണ് പ്രാഥമിക നിഗമനം. സൈറ്റൺ, ജിരിബാം, സനാസബി, സബുങ്‌ഖോക്, യിംഗാങ്‌പോക്‌പി എന്നിവിടങ്ങളിലും വെടിവെപ്പ് ഉണ്ടായതായി റിപ്പോർട്ടുണ്ട്.
രണ്ട് മാസത്തെ ഇടവേളക്ക് ശേഷമാണ് മണിപ്പൂരിൽ വീണ്ടും സംഘർഷം ഉണ്ടാകുന്നത്. ഇംഫാൽ ഈസ്റ്റിൽ ഡോക്ടർക്ക് നേരെ അക്രമികൾ വെടിയുതിർത്തു. സ്വകാര്യ ആശുപത്രിയുടെ മാനേജിംഗ് ഡയറക്ടറായ ഡോ. മൊയ്‌രംഗ്‌തേം ധനബീറിന് നേരെയാണ് വെടിവെപ്പ് ഉണ്ടായത്.
രോഗികളെന്ന വ്യാജേന എത്തിയ മൂന്നു പേരാണ് ആക്രമണം നടത്തിയത്. ആശുപത്രിയിലെ ആംബുലൻസിന് നേരെയും വെടിയുതിർത്ത ശേഷം അക്രമികൾ രക്ഷപ്പെട്ടു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
