അല്ലു അര്‍ജുനും സുകുമാറും ഒന്നിക്കുന്ന പുഷ്പ 2 ഇന്ത്യന്‍ സിനിമ ഏറെ പ്രതീക്ഷയോടെ കാത്തിരിക്കുന്ന പ്രൊജക്ടുകളില്‍ ഒന്നാണ്. ഇപ്പോള്‍ ചിത്രത്തിന്റെ ഒരോ അപ്ഡേറ്റും വളരെ താല്‍പ്പര്യത്തോടെയാണ് ആരാധകര്‍ ഏറ്റെടുക്കുന്നത്. പുഷ്പയുടെ ആദ്യ ഭാഗത്തിന്റെ ഹൈലൈറ്റുകളില്‍ ഒന്നായിരുന്നു സാമന്ത അവതരിപ്പിച്ച ഡാന്‍സ് നമ്പര്‍. രണ്ടാം ഭാഗത്തിലും ഇത്തരത്തില്‍ ഒരു ഡാന്‍സ് ഒരുങ്ങുന്നുണ്ട്. ശ്രിലീലയാണ് ഇത് അവതരിപ്പിക്കുന്നത്.
ഇപ്പോള്‍ ഈ ഗാന രംഗത്തിന്റെ ഫസ്റ്റ്‌ലുക്ക് പുറത്തിറക്കിയിരിക്കുകയാണ് അണിയറക്കാര്‍. ഇത്തവണ ശ്രീലീലയാണ് പുഷ്പയ്‌ക്കൊപ്പം ഡാന്‍സ് കളിക്കുക. ‘കിസിക്ക്’ എന്ന പാട്ടിനായിരിക്കും ശ്രീലീലയുടെ ഡാന്‍സ് എന്നാണ് ഫസ്റ്റ്‌ലുക്ക് നല്‍കുന്ന വിവരം. ഡാന്‍സിംഗ് ക്വീന്‍ എന്നാണ് ശ്രീലീലയെ ഫസ്റ്റലുക്കില്‍ വിശേഷിപ്പിക്കുന്നത്.
നേരത്തെ ഗാന ചിത്രീകരണത്തിന്റെ ചില സ്റ്റില്ലുകള്‍ ചോര്‍ന്നിരുന്നു. ഇതിന് പിന്നാലെയാണ് ശ്രീലീലയുടെ പോസ്റ്റര്‍ എത്തിയത്. അതേ സമയം സോഷ്യല്‍ മീഡിയയില്‍ ശ്രീലീല സാമന്തയുടെ അത്രത്തോളം വരുമോ എന്നത് വലിയ ചര്‍ച്ച നടക്കുന്നുണ്ട്. അതേ സമയം അടുത്തിടെ നടന്ന ഈ ഗാന രംഗത്തിന്റെ ഷൂട്ടോടെ പുഷ്പയുടെ ചിത്രീകരണം പൂര്‍ണ്ണമായും അവസാനിച്ചുവെന്നാണ് വിവരം. ഇനി ഒരു മാസം പോലും ചിത്രം റിലീസ് ചെയ്യാനില്ല. ഡിസംബര്‍ 5നാണ് ചിത്രത്തിന്റെ ആഗോള റിലീസ്. നേരത്തെ ഡിസംബര്‍ 6 ആയിരുന്നു റിലീസ് തീയതിയായി പ്രഖ്യാപിച്ചിരുന്നത്.
First look of Pushpa 2 song scene
