കുമളി: 12 കിലോ കഞ്ചാവുമായി ആണ് നാലു യുവാക്കളെ തമിഴ്നാട് പൊലീസ് അറസ്റ്റ് ചെയ്തത്. തമിഴ്നാട് കമ്പം, കുരങ്കമായൻ തെരുവിൽ സുജിത് കുമാർ (26) മധുര ഉശിലംപെട്ടി സ്വദേശികളായ രഞ്ജിത് പാണ്ടി (22) കിഷോർ നാഥ് (27) എഴുമലൈ സ്വദേശി സുരേഷ് (23) എന്നിവരെയാണ് കമ്പം ഇൻസ്പെക്ടർ മുത്തുലക്ഷ്മി, എസ്.ഐ ദേവരാജ് എന്നിവർ ചേർന്ന് അറസ്റ്റ് ചെയ്തത്.
സുജിത് കുമാർ കഞ്ചാവ് വാങ്ങിയത്ആന്ധ്ര, ശിലുക്കല്ലൂർ പേട്ടയിൽ സുഭാനി എന്ന ആളിൽ നിന്നാണ് എന്ന് വ്യക്തമായിട്ടുണ്ട്. ഇയാളെ അറസ്റ്റ് ചെയ്യാൻ പ്രത്യേക സ്ക്വാഡ് രൂപവത്കരിച്ചതായി പൊലീസ് പറഞ്ഞു.
Also Read: ആദ്യം വശീകരിച്ച് പീഡിപ്പിക്കും! ശേഷം സ്വർണവും പണവും കവരും; യുവാവ് അറസ്റ്റിൽ
കമ്പംമെട്ട് റോഡരികിലെ ക്രിക്കറ്റ് ഗ്രൗണ്ടി ചാക്കിൽ സൂക്ഷിച്ച കഞ്ചാവുമായി വാഹനം കാത്തുനിൽക്കുന്നതിനിടെയാണ് സംഘം പിടിയിലാവുന്നത്. കമ്പംമെട്ട് വഴി കേരളത്തിലേക്ക് കടത്താൻ കൊണ്ടുവന്നതാണ് ഈ കഞ്ചാവെന്ന് പൊലീസ് പറഞ്ഞു.
