മസ്കറ്റ്: ട്രാൻസിറ്റ് യാത്രക്കാർക്ക് മസ്കറ്റിൽ സൗജന്യ സ്റ്റോപ്പ് ഓവർ പ്രഖ്യാപിച്ച് ഒമാൻ എയറും ഒമാൻ പൈതൃക, ടൂറിസം മന്ത്രാലയവും. കൂടുതൽ വിനോദ സഞ്ചാരികളെ ഒമാനിലേക്ക് ആകർഷിക്കുകയെന്ന ലക്ഷ്യത്തോടെയാണ് പുതിയ പദ്ധതി.
നവംബർ 30 വരെയാണ് ഈ സൗകര്യം ലഭിക്കുക. ഒമാൻ എയറിൻറെ പ്രീമിയം ക്ലാസ് യാത്രക്കാർക്ക് മസ്കറ്റിൽ സ്റ്റോപ്പുള്ള ദിവസം ഒരു രാത്രി സൗജന്യ ഹോട്ടൽ താമസം അനുവദിക്കും. ഇക്കോണമി ക്ലാസ് യാത്രക്കാർക്ക് ഒരു ദിവസത്തെ നിരക്കിൽ രണ്ട് രാത്രിയും താമസ സൗകര്യം ഏർപ്പെടുത്തും. ടൂറുകൾ, കാർ വാടക, മറ്റ് സേവനങ്ങൾ എന്നിവയിൽ പ്രത്യക ആനുകൂല്യവും ഉണ്ടാകുന്നതാണ്. കുറഞ്ഞ സമയത്തിൽ മസ്കറ്റ് ചുറ്റിക്കറങ്ങാനുള്ള അവസരം കൂടിയാണ് ഇതിലൂടെ ലഭിക്കുക.
