പറ്റ്ന: ബീഹാറിലെ സഹർസയിൽ വിഷപ്പാമ്പുകളെ കഴുത്തിലും കയ്യിലും ചുറ്റി നൃത്തം ചെയ്യുന്നതിനിടെ നർത്തകന് പാമ്പ് കടിയേറ്റു. ഛഠ് പൂജയോട് അനുബന്ധിച്ചുള്ള കലാപരിപാടിയിൽ സിനിമാ പാട്ടിനൊപ്പം ചുവടുവെയ്ക്കുന്നതിനിടെയാണ് ഗൗരവ് കുമാറിന് മൂർഖൻ പാമ്പിന്റെ കടിയേറ്റത്. നൃത്തത്തിൽ മുഴുകിയ ഗൗരവ് തന്റെ കയ്യിൽ പാമ്പ് കടിച്ചത് അറിഞ്ഞില്ല.
സ്റ്റേജിൽ ബോധംകെട്ട് വീണ ഗൗരവിനെ പെട്ടെന്ന് ആശുപത്രിയിൽ എത്തിച്ചപ്പോഴാണ് പാമ്പ് കടിയേറ്റെന്ന് മനസിലായത്. വർഷങ്ങളായി താൻ ഇത്തരം സ്റ്റേജ് ഷോകൾ ചെയ്യാറുണ്ടെന്നും എന്നാൽ പാമ്പിന്റെ കടിയേൽക്കുന്നത് ആദ്യമായാണ് എന്നും ഇദ്ദേഹം പറഞ്ഞു. കൃത്യ സമയത്ത് ചികിത്സ ലഭിച്ചതിനാൽ ജീവൻ രക്ഷിക്കാനായി.
