ധനുഷ്, നാഗാര്‍ജ്ജുന, രശ്മിക മന്ദാന എന്നിവരെ കേന്ദ്രകഥാപാത്രങ്ങളാക്കി ശേഖര്‍ കമ്മുല സംവിധാനം ചെയ്യുന്ന ചിത്രമാണ് ‘കുബേര’. ചിത്രത്തിന്റെ ഗ്ലിംപ്‌സ് റിലീസായി. രണ്ട് വ്യത്യസ്ത ലുക്കില്‍ ഗ്ലിംപ്‌സില്‍ ധനുഷിനെ കാണാം.
പുതിയ അപ്‌ഡേറ്റ് വന്നതോടെ ചിത്രം ഒരു ത്രില്ലറാണ് എന്ന വിലയിരുത്തലിലാണ് പ്രേക്ഷകര്‍.ശ്രീ വെങ്കിടേശ്വര സിനിമാസ് എല്‍എല്‍പി, അമിഗോസ് ക്രിയേഷന്‍സ് പ്രൈവറ്റ് ലിമിറ്റഡ് എന്നീ ബാനറുകളില്‍ സുനില്‍ നാരംഗ്, പുസ്‌കൂര്‍ റാം മോഹന്‍ റാവു എന്നിവര്‍ ചേര്‍ന്നാണ് കുബേര നിര്‍മ്മിക്കുന്നത്.
Also Read:കങ്കുവ ശബ്ദം പ്രശ്‌നമുണ്ട്, ഉടന്‍ പരിഹരിക്കും: കെഇ ജ്ഞാനവേല്‍ രാജ
ബഹുഭാഷാ ചിത്രമായി ഒരുങ്ങുന്ന കുബേര തമിഴ്, തെലുങ്ക്, ഹിന്ദി ഭാഷകളില്‍ ഒരേ സമയം ചിത്രീകരിക്കുകയാണ്. ദേവി ശ്രീ പ്രസാദാണ് ചിത്രത്തിന്റെ സംഗീതം നിര്‍വഹിക്കുന്നത്. ചിത്രം ഡിസംബറില്‍ തീയറ്ററുകളില്‍ എത്തിയേക്കും.
ഈ കഴിഞ്ഞ മാര്‍ച്ചില്‍ ധനുഷിന്റെ ചിത്രത്തിലെ ഫസ്റ്റ്‌ലുക്ക് പുറത്തുവിട്ടിരുന്നു. പിന്നലെ നാഗാര്‍ജ്ജുനയുടെയും രശ്മികയുടെയും ഫസ്റ്റ്‌ലുക്ക് പുറത്തുവിട്ടു. ചിത്രം പണം അടിസ്ഥാനമാക്കിയ ഒരു ത്രില്ലറാണ് എന്നാണ് വിവരം. ഒരു പെട്ടി കുഴിച്ചെടുക്കുന്ന രശ്മികയുടെ ഫസ്റ്റ്‌ലുക്ക് ഏറെ ശ്രദ്ധനേടിയിരുന്നു. അതേ സമയം ബോളിവുഡ് താരം ജിം സര്‍ഭ് ചിത്രത്തില്‍ പ്രധാന വേഷത്തില്‍ എത്തുന്നുണ്ട് എന്നാണ് ടീസര്‍ ദൃശ്യങ്ങള്‍ നല്‍കുന്ന സൂചന.
