സംസ്ഥാനത്ത് സ്വര്‍ണ്ണവിലയില്‍ ഇടിവ്. പവന്റെ വിലയില്‍ 240 രൂപയുടെ കുറവാണ് രേഖപ്പെടുത്തിയത്. 53,800 രൂപയാണ് ഒരു പവന്‍ സ്വര്‍ണ്ണത്തിന്റെ വില. ഗ്രാമിന് 30 രൂപയും കുറഞ്ഞു. ഗ്രാമിന് 6725 രൂപയായാണ് വില കുറഞ്ഞത്.
കഴിഞ്ഞ ദിവസം സ്വര്‍ണവില ഈ മാസത്തെ ഏറ്റവും ഉയര്‍ന്ന നിരക്കിലെത്തിയിരുന്നു. 54,040 രൂപയായാണ് വില ഉയര്‍ന്നത്. അക്ഷയതൃതിയ ദിനമായ ഇന്നലെ രണ്ട് തവണ സ്വര്‍ണ്ണവിലയില്‍ മാറ്റം വന്നിരുന്നു.അക്ഷയതൃതീയ ദിനത്തില്‍ രാജ്യത്ത് വ്യാപാരികള്‍ 20 മുതല്‍ 23 ടണ്‍ വരെ സ്വര്‍ണ്ണം വിറ്റിരുന്നു.
