കാലിഫോർണിയയിലെ മൗണ്ടൻ വ്യൂവിൽ ഇന്നലെ ( ഓഗസ്റ്റ് 13) നടന്ന ഗൂഗിൾ ഇവന്റായ മെയ്ഡ് ബൈ ഗൂഗിൾ പുതിയ പിക്സൽ 9 സീരീസ് സ്മാർട്ട്ഫോണുകൾ അവതരിപ്പിച്ചു. ഏറ്റവും പുതിയ പിക്സൽ 9 സീരീസിൽ നാല് മോഡലുകലാണ് ഉൾപ്പെടുന്നത്, പിക്സൽ 9, പിക്സൽ. 9 പ്രോ എന്നിവയോടൊപ്പം ഗൂഗിൾ പിക്സൽ വാച്ച് 3, പിക്സൽ ബഡ്സ് പ്രോ 2 എന്നിവയും ഇതേ പരിപാടിയിൽ ഗൂഗിൾ അവതരിപ്പിച്ചു.
അതേസമയം ഇന്ത്യയിൽ പിക്സൽ ഫോണുകൾ നിർമിക്കുമെന്നും ഗൂഗിൾ പ്രഖ്യാപിച്ചിരിക്കുന്നു. വളരെ സങ്കീർണ്ണമായ മെഷീൻ ലേണിങ് ജോലികൾ കൈകാര്യം ചെയ്യുകയെന്ന ലക്ഷ്യത്തോടയാണ് ടെൻസർ G4 രൂപകൽപ്പന ചെയ്തിരിക്കുന്നത്. പുതിയ മോഡലുകളുടെ പ്രധാന ഹൈലൈറ്റ് മെമ്മറി ബൂസ്റ്റ് ആണ്. രണ്ട് ഫോണുകളും 16 ജിബി റാമുമായി വരുന്നു, ഉപയോക്താക്കൾക്ക് 256GB മുതൽ ഒന്നിലധികം സ്റ്റോറേജ് ഓപ്ഷനുകളിൽ നിന്ന് ഇത് തിരഞ്ഞെടുക്കാം.
നോക്കാം ഡിസ്‌പ്ലേയും ഡിസൈനും
പുതുതായി ഇറങ്ങുന്ന പിക്സൽ 9 പ്രോയ്ക്ക് 6.7 ഇഞ്ച് അമോലെഡ് ഡിസ്‌പ്ലേയുണ്ട്, അതേസമയം വലിയ പിക്സൽ 9 പ്രോ എക്സ്എൽ 7 ഇഞ്ച് ഡിസ്‌പ്ലേ അവതരിപ്പിക്കുന്നു, എന്നാൽ ഇവ രണ്ടും സുഗമമായ സ്‌ക്രോളിങ് അനുഭവത്തിനായി 120 ഹെർട്സ് പുതുക്കൽ നിരക്കും നൽകുന്നു.അതേസമയം നവീകരിച്ച സെൻസറുകളും മെച്ചപ്പെടുത്തിയ കംപ്യൂടേഷണൽ ഫോട്ടോഗ്രാഫി കഴിവുകളുമുള്ള ട്രിപ്പിൾ ക്യാമറ സംവിധാനമാണ് രണ്ട് മോഡലുകളിലും ഉള്ളത്. പ്രധാന ക്യാമറ 50എംപി സെൻസറാണ്, ഒപ്പം അൾട്രാ വൈഡും ടെലിഫോട്ടോ ലെൻസും ഉണ്ട്.
എന്നാൽ പുതിയ ടെൻസർ G4 ചിപ്പ് തത്സമയ പ്രോസസിങ് ഉപയോഗിച്ച് ഫോട്ടോഗ്രാഫിയെ കൂടുതൽ മെച്ചപ്പെടുത്തുന്നു, അതേസമയം ഇത് മികച്ച ലോ-ലൈറ്റ് പ്രകടനവും വേഗതയേറിയ ഓട്ടോഫോക്കസും സാധ്യമാക്കുന്നു.
കൂടാതെ മാജിക് ഇറേസറിന്റെ അപ്‌ഡേറ്റ് പതിപ്പ് ഉൾപ്പെടെ, ഫോട്ടോകളിൽ നിന്ന് ആവശ്യമില്ലാത്ത ഒബ്‌ജക്റ്റുകൾ നീക്കൽ എന്നത്തേക്കാളും എളുപ്പമാക്കുന്നു. പ്രൊഫഷണൽ ഗ്രേഡ് എഡിറ്റിങിനായി “പ്രോ സ്റ്റുഡിയോ” എന്ന പേരിൽ ഒരു പുതിയ എഐ സംവിധാനവും ഇതിൽ ലഭ്യമാണ്.
ചാർജിങും ബാറ്ററിയും
രണ്ട് മോഡലുകളും മുൻ തലമുറയെ അപേക്ഷിച്ച് വലിയ ബാറ്ററികൾ അവതരിപ്പിക്കുന്നു. പിക്സൽ 9 പ്രോയ്ക്ക് ഒറ്റ ചാർജിൽ 36 മണിക്കൂർ വരെ നിൽക്കാൻ കഴിയുമെന്ന് ഗൂഗിൾ അവകാശപ്പെടുന്നുണ്ട് . അതേസമയം പിക്സൽ 9 പ്രോ എക്സ്എൽ ബാറ്ററി ലൈഫ് 40 മണിക്കൂറായി വർദ്ധിപ്പിച്ചു. ഫാസ്റ്റ് ചാർജിങ് പിന്തുണയ്ക്കുന്നു, അതേസമയം രണ്ട് മോഡലുകൾക്കും വെറും 30 മിനിറ്റിനുള്ളിൽ 50 ശതമാനം ചാർജ് ചെയ്യാൻ കഴിയും. വയർലെസ് ചാർജിങ്, റിവേഴ്സ് വയർലെസ് ചാർജിങ് എന്നിവയും ലഭ്യമാണ്.
അതേസമയം പിക്സൽ 9 പ്രോയുടെ വില 1,09,999 രൂപയിലാണ് ആരംഭിക്കുന്നത്, പിക്സൽ 9 പ്രോ എക്‌സ്എല്ലിൻ്റെ വില 1,24,999 രൂപയിലും. അഒബ്സിഡിയൻ, പോർസലൈൻ, ഹേസൽ, റോസ് ക്വാർട്സ് എന്നി നിറങ്ങളിലും ലഭ്യമാണ്. ഇവയിൽ Pixel 9, Pixel 9 Pro XL എന്നിവയുടെ പ്രീിഓർഡറുകൾ ഫ്ലിപ്പ്കാർട്ടും റീട്ടെയിൽ പങ്കാളികളിലൂടെയും നാളെ ആരംഭിക്കും. ഇത് ഓഗസ്റ്റ് 22 മുതൽ ലഭ്യമാകും,
അതേസമയം സെപ്റ്റംബറിൽ വരാനിരിക്കുന്ന ഐഫോൺ 16 സീരീസ് ഉൾപ്പെടെയുള്ള മറ്റ് മുൻനിര മോഡലുകളുമായി നേരിട്ട് മത്സരിക്കാനാണ് ഗൂഗിൾ തയാറെടുക്കുന്നത്.
പിക്സൽ 9 സീരീസ്: പിക്സൽ 9, പിക്സൽ 9 പ്രോ, പിക്സൽ 9 പ്രോ എക്സ്എൽ, പിക്സൽ 9 പ്രോ ഫോൾഡ് എന്നിവ അടങ്ങുന്ന പുതിയ പിക്സൽ 9 സീരീസാണ് നിലവിൽ ഗൂഗിൾ അവതരിപ്പിച്ചത്. അതേസമയം പുതിയ ഗൂഗിൾ ടെൻസർ ജി4 ചിപ്പ് ഉപയോഗിച്ചാണ് ഫോണുകൾ പ്രവർത്തിക്കുന്നത്.
പിക്സൽ വാച്ച് 3: ഗൂഗിൾ അതിൻ്റെ ഏറ്റവും അടുത്ത തലമുറ സ്മാർട്ട് വാച്ചായ പിക്സൽ വാച്ച് 3യും പുറത്തിറക്കി. പുതിയ വാച്ചിൽ പുതിയ ഡിസൈൻ, മെച്ചപ്പെട്ട ബാറ്ററി ലൈഫ്, ആരോഗ്യ, ഫിറ്റ്നസ് ട്രാക്കിങ് ഫീച്ചറുകൾ എന്നിവയുണ്ട്.
ജെമിനി ലൈവ്: ഗൂഗിൾ കമ്പനിയുടെ ജെമിനി എഐ മോഡൽ നൽകുന്ന പുതിയ AI അസിസ്റ്റൻ്റായ ജെമിനി ലൈവ് ഗൂഗിൾ പ്രദർശിപ്പിച്ചു. ഇവയിൽ ഇമെയിലുകൾ തയാറാക്കുക, റിമൈൻഡറുകൾ സജ്ജീകരിക്കുക, കോളുകൾ വിളിക്കുക എന്നിങ്ങനെയുള്ള വിവിധ ജോലികളിൽ ഉപയോക്താക്കളെ സഹായിക്കുന്നതിനാണ് ജെമിനി ലൈവ് രൂപകൽപ്പന ചെയ്തിരിക്കുന്നത്.
ഇന്ത്യയിൽ നിർമിക്കും
നിലവിൽ ഗൂഗിൾ തങ്ങളുടെ പിക്സൽ 8 ഉപകരണങ്ങൾ ഇന്ത്യയിൽ നിർമ്മിക്കുമെന്ന് പ്രഖ്യാപിച്ചു, രാജ്യത്ത് ആദ്യമായാണ് ഇത്തരത്തിൽ ഒരു പിക്സൽ ഫോൺ നിർമ്മിക്കുന്നത്.
