2018-ല്‍ ലോഞ്ച് ചെയ്ത് ഗൂഗിള്‍ പ്ലേസ്റ്റോറില്‍ 500 ദശലക്ഷത്തിലധികം തവണ ഡൗണ്‍ലോഡ് ചെയ്യപ്പെട്ട ഗൂഗിള്‍ പോഡ്കാസ്റ്റ് ആപ്പ് 2024 ജൂണ്‍ 23-ന് ഷട്ട് ഡൗണ്‍ ചെയ്യാന്‍ പോവുകയാണ് ടെക് ഭീമന്‍.
പോഡ്കാസ്റ്റ് ആപ്പ് ജനപ്രിയമല്ലെന്നാണ് ഗൂഗിള്‍ പറയുന്നത്. ടെക് ഭീമന്റെ തന്നെ ഉടമസ്ഥതയിലുള്ള യൂട്യൂബ് മ്യൂസിക് ആപ്പിലേക്ക് മൈഗ്രേറ്റ് ചെയ്യാനാണ് ഗൂഗിള്‍, പോഡ് കാസ്റ്റ് ശ്രോതാക്കളോട് നിര്‍ദേശിച്ചിരിക്കുന്നത്. പോഡ്കാസ്റ്റ് സബ്സ്ക്രൈബ് ചെയ്ത യൂസര്‍മാര്‍ക്ക് അത് യൂട്യൂബ് മ്യൂസിക്കിലേക്ക് മാറ്റുവാനുള്ള സൗകര്യവും കമ്പനി ഒരുക്കിയിട്ടുണ്ട്.
