മധ്യപ്രദേശ്: ബൈക്കോടിച്ചുകൊണ്ടിരിക്കുമ്പോൾ ഹൃദയാഘാതത്തെ തുടർന്ന് പൊലീസുകാരൻ മരിച്ചു. വ്യാഴാഴ്ച ഉച്ചക്ക് മധ്യപ്രദേശിലെ റെയ്‌സണിൽ ബൈക്കിൽ സഞ്ചരിക്കുന്നതിനിടെ സബ് ഇൻസ്‌പെക്ടർ സുഭാഷ് സിങ്ങിന് ഹൃദയാഘാതം സംഭവിക്കുകയായിരുന്നു. തുടർന്ന് സംഭവസ്ഥലത്ത് തന്നെ അദ്ദേഹം മരിച്ചു. ഉത്തർപ്രദേശിലെ ബനാറസ് സ്വദേശിയാണ് മരിച്ച സുഭാഷ് സിങ്.
ബൈക്കിൽ പെട്രോൾ അടിച്ചശേഷം പമ്പിൽ നിന്ന് ഇറങ്ങുകയായിരുന്നു അദ്ദേഹം . കഷ്ടിച്ച് 50 മീറ്റർ അകലെ എത്തിയപ്പോൾ പെട്ടെന്ന് ബൈക്കിൽ നിന്ന് വീണു. പൊലീസ് ഇയാളെ അടുത്തുള്ള ആശുപത്രിയിൽ എത്തിച്ചെങ്കിലും മരിച്ചു . പൊലീസ് പട്രോളിങ് വാഹനത്തിൽ സുഭാഷിനെ ബറേലി ആശുപത്രിയിലേക്ക് കൊണ്ടുപോയി. ഹൃദയാഘാതം മൂലമാണ് മരണം സംഭവിച്ചതെന്ന് ഡോക്ടർമാർ സ്ഥിരീകരിച്ചു. അതേസമയംസർവ്വീസിൽ നിന്നും രണ്ടു മാസത്തിന് ശേഷം വിരമിക്കാനിരിക്കേയാണ് മരണം.
