കൊച്ചി: മലയാള സിനിമയെ പിടിച്ചുലച്ച ഒന്നാണ് ഹേമ കമ്മറ്റി റിപ്പോര്‍ട്ട്. ഇപ്പോഴിതാ റിപ്പോര്‍ട്ടിനെ ചൊല്ലി നിര്‍മാതാക്കളുടെ സംഘടനയില്‍ തര്‍ക്കമായിരിക്കുകയാണ്. പ്രൊഡ്യൂസേഴ്‌സ് അസോസിയേഷന്‍ നേതൃത്വത്തിനെതിരെയാണ് വനിതാ നിര്‍മാതാക്കള്‍ രംഗത്തത്തിയത്. വനിതാ നിര്‍മാതാക്കള്‍ നേരിടുന്ന പ്രശ്‌നങ്ങള്‍ ചര്‍ച്ച ചെയ്യാന്‍ വിളിച്ച യോഗം പ്രഹസനമായെന്ന് സംഘടനയില്‍ വിമര്‍ശനം ഉയര്‍ന്നിട്ടുണ്ട്.
അസോസിയേഷന്‍ സമീപനങ്ങള്‍ സ്ത്രീ നിര്‍മാതാക്കളെ കളിയാക്കുന്നതിന് തുല്യമാണ്. പ്രൊഡ്യൂസേഴ്‌സ് അസോസിയേഷനെ നിയന്ത്രിക്കുന്നത് ബാഹ്യശക്തികളാണെന്നും പുതിയ കമ്മിറ്റിയെ അടിയന്തരമായി തിരഞ്ഞടുക്കണമന്നും ആവശ്യമുയര്‍ന്നു. പ്രൊഡ്യൂസേഴ്‌സ് അസോസിയേഷന്‍ നേതൃത്വത്തിന് വനിതാ നിര്‍മാതാക്കളായ സാന്ദ്രാ തോമസും ഷീലാ കുര്യനും അയച്ച കത്തിലാണ് വിമര്‍ശനം.
