വരുന്നു അൽത്താഫ്- അനാർക്കലി കോമ്പോ വീണ്ടും

കേരളക്കരയൊന്നാകെ ഏറെ ജനപ്രീതി നേടിയ ഉപ്പും മുളകും പരമ്പരയിലൂടെയും നിരവധി ടി.വി.ഷോകളിലൂടെയും ശ്രദ്ധേയനായ സതീഷ് തൻവി സംവിധാനം ചെയ്യുന്ന പുതിയ ചിത്രത്തിന്‍റെ ചിത്രീകരണം കൊച്ചിയിൽ ആരംഭിച്ചു. അൽത്താഫ് സലിമും, ജോമോൻ ജ്യോതിറും ,അനാർക്കലി മരയ്ക്കാറും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രം എലമെൻ്റ്സ് ഓഫ് സിനിമയുടെ ബാനറിൽ എം. ശ്രീരാജ് എ.കെ.ഡി നിർമ്മിക്കുന്നു.അജയ് വാസുദേവ്, ജി മാർത്താണ്ഡൻ, ഡിക്സൻ പൊടുത്താസ് എന്നിവരാണ് ചിത്രത്തിന്റെ എക്സിക്കുട്ടീവ് പ്രൊഡ്യൂസേർസ് ‘

സർക്കാർ ഉദ്യോഗസ്ഥനായ ഒരു യുവാവിന്‍റെ ജീവിതകഥ പറയുന്ന ചിത്രം, പൊതു സമൂഹത്തിൽ നാം ഓരോരുത്തർക്കും ഓരോ പ്രശ്നങ്ങളെ അഭിമുഖീകരിക്കേണ്ടി വരുന്ന സാഹചര്യങ്ങളെയും പറ്റി പറയുന്നു. എന്നാൽ അവയിൽ പലതിനേയും നാം ഗൗരവമായി കാണാതെ പോകുന്നു. അല്ലങ്കിൽ കണ്ണടക്കുന്നു. അത്തരമൊരു സാഹചര്യം ഒരു യുവാവിന്‍റെ ജീവിതത്തിൽ ഉണ്ടാക്കുന്ന താളപ്പിഴകളും, അതിനു കാരണമായ വ്യവസ്ഥകൾക്കെതിരേയുള്ള ആ യുവാവിന്റെ പോരാട്ടത്തിന്‍റെയും കഥയാണ് ഈ സിനിമ. ചിലപ്പോൾ നിസ്സാരം എന്നും മറുവശം ചിന്തിച്ചാൽ ഗൗരവം എന്നും തോന്നാവുന്ന ഒരു വിഷയം ചിരിയോടെ മാത്രം കണ്ട് ആസ്വദിക്കാവുന്ന രീതിയിലാണ് സിനിമയുടെ സഞ്ചാരം.

Also Read : ‘പഥേർ പാഞ്ചാലി’യിലെ ദുർ​ഗ; ഉമ ദാസ് ഗുപ്ത അന്തരിച്ചു

അസീസ് നെടുമങ്ങാട്, അന്ന പ്രസാദ് തുടങ്ങിയവരും ഏതാനും പുതുമുഖങ്ങളും ഈ ചിത്രത്തിൽ അണിനിരക്കുന്നു. ഷിഹാബ് കരുനാഗപ്പള്ളിയുടെ കഥക്ക്,ഷിഹാബ്, സർജി വിജയൻ, സംവിധയകൻ സതീഷ് തൻവി എന്നിവർ ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. സംഗീതം – മണികണ്ഠൻ അയ്യപ്പൻ,ഛായാഗ്രഹണം – നിഖിൽ. എസ്. പ്രവീൺ,എഡിറ്റിംഗ് – മഹേഷ് ദുവനേന്ദ്, കോസ്റ്റ്യും – ഡിസൈൻ. ഡോണ മറിയം ജോസഫ്,മേക്കപ്പ് – സുധി ഗോപിനാഥ്,കലാസംവിധാനം – മധു രാഘവൻ, എന്നിവരാണ് മറ്റു അണിയറപ്രവർത്തകർ. കൊച്ചിയിലും തിരുവനന്തപുരത്തുമായി ചിത്രീകരണം പൂർത്തിയാകും.