ടെഹ്റാൻ: കനത്ത തിരിച്ചടിയുമായി ഹിസ്ബുള്ള. വടക്കൻ ഇസ്രായേലിൽ ഹിസ്ബുള്ള നടത്തിയ വ്യോമാക്രമണത്തിൽ 7 പേർ കൊല്ലപ്പെട്ടു. മെറ്റുലയിൽ അഞ്ച് പേരും ഹൈഫയിൽ രണ്ട് പേരും വീതമാണ് കൊല്ലപ്പെട്ടത്. ഇസ്രയേലിൽ ഇതുവരെ ഉണ്ടായതിൽ വച്ചുള്ള ഏറ്റവും വലിയ വ്യോമാക്രമണമാണ് ഇപ്പോൾ ഉണ്ടായതെന്ന് ഇസ്രായേൽ സൈന്യം അറിയിച്ചു.
മെറ്റുലയിൽ ഹിസ്ബുള്ള നടത്തിയ റോക്കറ്റ് ആക്രമണത്തിൽ ആണ് അഞ്ച് പേർ കൊല്ലപ്പെട്ടത്. 4 പേർക്ക് ഗുരുതരമായി പരിക്കേറ്റിട്ടുണ്ട്. പരിക്കേറ്റവർ കർഷക തൊഴിലാളികളാണെന്നാണ് റിപ്പോർട്ട്. ഹൈഫയുടെ പ്രാന്തപ്രദേശത്തുള്ള ഒലിവ് മേഖലയിൽ നടത്തിയ വ്യോമാക്രമണത്തിലാണ് മറ്റ് രണ്ട് പേർ കൊല്ലപ്പെട്ടത് . ഇവിടെ രണ്ട് പേർക്ക് പരിക്കേൽക്കുകയും ചെയ്തിട്ടുണ്ട്.
