മികച്ച വിലയില്‍ ഹോണ്ടയുടെ അമേസ് നിങ്ങള്‍ക്ക് ഇനി സ്വന്തമാക്കാം. അമേസിന്റെ പുതിയ തലമുറ മോഡല്‍ ഹോണ്ട ഉടന്‍ പുറത്തിറക്കാന്‍ പോകുന്നുവെന്നാണ് പുറത്തുവരുന്ന റിപ്പോര്‍ട്ടുകള്‍ പറയുന്നത്. പുതുതലമുറ ഹോണ്ട അമേസിന് 2024 ഡിസംബറിൽ ആഗോളതലത്തിൽ അരങ്ങേറ്റം കുറിക്കും. 2025 ൻ്റെ തുടക്കത്തിൽ അതിൻ്റെ ഡെലിവറി പ്രതീക്ഷിക്കുന്നുണ്ട്.
ഹോണ്ട അമേസ്, അമേസ് എലൈറ്റ് സ്‌പെഷ്യല്‍ എഡിഷന്‍ എന്നിവയുടെ ടോപ്പ് എന്‍ഡ് വിഎക്‌സ് വേരിയന്റിന് 1.12 ലക്ഷം രൂപ വരെ കിഴിവ് നല്‍കുന്നു. മിഡ് ലെവല്‍ എസ് വേരിയന്റിന് 96,000 രൂപയും എന്‍ട്രി ലെവല്‍ ഇ വേരിയന്റിന് 86,000 രൂപയും കിഴിവ് ലഭ്യമാണ്. അതായത് അമേസ് വാങ്ങാനുള്ള മികച്ച അവസരമാണിത്.
Also Read: എസ്.യു.വി പുതിയ മാഗ്‌നൈറ്റ് മോഡല്‍ വിപണിയില്‍ അവതരിപ്പിച്ചു
അമേസ്, സിറ്റി പട്രോള്‍, സിറ്റി ഹൈബ്രിഡ്, എലിവേറ്റ് മോഡലുകള്‍ക്കും ബാധകമായ ഒരു വിപുലീകൃത വാറന്റി പ്രോഗ്രാമും ഹോണ്ട പ്രഖ്യാപിച്ചിട്ടുണ്ട്. ഇതുകൂടാതെ, കമ്പനിയുടെ നിര്‍ത്തലാക്കിയ മോഡലുകളായ ഹോണ്ട ജാസ്, ഡബ്ല്യുആര്‍-വി, സിവിക് സെഡാന്‍ എന്നിവയ്ക്കും ഈ പ്രോഗ്രാം ബാധകമാണ്.
ഏഴ് വര്‍ഷത്തെ കവറേജ്, 1,50,000 കിലോമീറ്റര്‍ വരെ വിപുലീകൃത വാറന്റി/കവറേജ്. ഹോണ്ട ഉപഭോക്താക്കള്‍ക്ക് വാഹനം വാങ്ങിയ തീയതി മുതല്‍ രണ്ട് വര്‍ഷത്തിനുള്ളില്‍ വിപുലീകൃത വാറന്റി തിരഞ്ഞെടുക്കാം, സ്റ്റാന്‍ഡേര്‍ഡ് വാറന്റി കാലയളവ് അവസാനിക്കുന്നത് വരെ അധിക ഓപ്ഷനുകള്‍ ലഭിക്കും.
