ധനുഷ് നായകനായി വേഷമിട്ട് വന്ന ചിത്രമാണ് രായൻ.ഒരാഴ്‍ച കൊണ്ട് രായൻ നേടിയ കളക്ഷന്റെ കണക്കുകളാണ് ഇപ്പോൾ പുറത്തുവിട്ടത്. അടുത്ത കാലത്ത് തമിഴിൽ നിന്നുള്ള സിനിമകൾ ഒന്നും പ്രതീക്ഷിച്ചത്ര വിജയം നേടാനാകാതെ തളരുമ്പോൾ കളക്ഷനിൽ രായൻ കുതിക്കുന്നതാണ് കാണാനാകുന്നത്. ധനുഷ് നായകനും, സംവിധായകനുമായ രായൻ ആഗോളതലത്തിൽ 106 കോടി രൂപയിലധികം നേടിയിട്ടുണ്ട്. ഇന്നോളമുള്ള ധനുഷിന്റെ മികച്ച ഓപ്പണിംഗ് കളക്ഷനാണ് രായന്റേത് എന്നാണ് റിപ്പോർട്ടുകൾ സൂചിപ്പിക്കുന്നത്. എന്തായാലും ധനുഷിന്റെ മികച്ച ഹിറ്റ് സിനിമയായി മാറിയിരിക്കുന്നു രായൻ എന്നാണ് ഈ ആഗോള കളക്ഷൻ കണക്കുകൾ സൂചിപ്പിക്കുന്നത്.
ഇന്ത്യയിൽ നിന്ന് മാത്രം നേടിയ കളക്ഷന്റെ കണക്കുകൾ സാക്നിൽക് പുറത്തുവിട്ടതാണ് ഇപ്പോൾ ചർച്ചയാകുന്നത്. 60.1 കോടിയാണ് ഇന്ത്യയിൽ നിന്ന് മാത്രമായി നെറ്റ് രായൻ കളക്ഷൻ നേടിയത്.
ധനുഷ് സംവിധാനത്തിൽ പിറന്ന ചിത്രത്തിന് , ഛായാഗ്രഹണം ഓം പ്രകാശാണ് നിർവഹിച്ചിരിക്കുന്നത്. ധനുഷ് നായകനായ രായന്റെ സംഗീത സംവിധാനം എ ആർ റഹ്‌മാനുമാണ് നിർവഹിച്ചിരിക്കുന്നത്.
മലയാളത്തിൽ നിന്ന് അപർണയ്‍ക്ക് പുറമേ ചിത്രത്തിൽ കാളിദാസ് ജയറാം എന്നിവരും എത്തുമ്പോൾ ധനുഷ് സംവിധായകനായ രായനിൽ മറ്റ് പ്രധാന താരങ്ങൾ സുന്ദീപ് കിഷൻ, വരലക്ഷ്‍മി ശരത്‍കുമാർ, ദുഷ്‍റ വിജയൻ, എസ് ജെ സൂര്യ, പ്രകാശ് രാജ്, സെൽവരാഘവൻ എന്നിവരാണ്. രായനിലെ ധനുഷ് അവതരിപ്പിക്കുന്ന നായക കഥാപാത്രം ഒരു കുക്കാണ് എന്ന് റിപ്പോർട്ടുകളുണ്ടായിരുന്നു. എസ് ജെ സൂര്യയാണ് ധനുഷിന്റെ ചിത്രത്തിൽ പ്രതിനായകനായി എത്തുന്നത് എന്നതും ചിത്രത്തിന് ആകർഷണീയത നൽകുന്നുണ്ട്.
