തമിഴ് നടി തൃഷ നായികയായി എത്തിയ വെബ്‍ സീരീസാണ് ബൃന്ദ. ആന്ധ്രപ്രദേശിൽ നിന്നുള്ള പൊലീസ് അന്വേഷണത്തിന്റെ കഥയാണ് ,സോണി ലിവിന്റെ ബൃന്ദ എന്ന സീരീസായി പ്രദർശനത്തിനെത്തിയത്. അതേസമയം മികച്ച പ്രതികരണമാണ് ബൃന്ദയ്‍ക്ക് ലഭിക്കുന്നത്. ബൃന്ദ മികച്ച ഒരു ത്രില്ലർ സീരീസാണ് എന്നാണ് പ്രേക്ഷക പ്രതികരണങ്ങൾ.
സീരിസിൽ തൃഷയുടെ മികച്ച പ്രകടനവും ട്വിസ്റ്റുകളും സീരീസിനെ വളരെ ആകർഷകമാക്കുന്നു എന്നാണ് അഭിപ്രായം. തൃഷയ്ക്ക് പുറമേ സീരീസിൽ സായ് കുമാർ, അമണി, ഇന്ദ്രജിത്ത് എന്നിവരും പ്രധാന വേഷത്തിൽ എത്തുന്നുണ്ട്. ആന്ധ്രയിലെ യഥാർഥ സംഭവങ്ങൾ പ്രചോദനമാക്കിയുള്ള സീരീസിൽ തൃഷ എത്തുന്നത് പൊലീസ് വേഷത്തിലാണ്. സംവിധാനം നിർവഹിച്ചിരിക്കുന്നത് സൂര്യ വങ്കലയാണ്.
