രാജ്യത്തെ ആദ്യ ഇവി പുറത്തിറക്കിയ ബ്രാന്ഡാണ് ഹ്യുണ്ടായ്. അന്ന് പുറത്തിറക്കിയ കോന എന്ന വാഹനം കാര്യമായി വിജയിച്ചില്ലെങ്കിലും വിദേശത്ത് സംഭവം ഹിറ്റാണ്. വൈദ്യുത വാഹനങ്ങളുടെ ഒരു വമ്പന് നിര തന്നെയാണ് ദക്ഷിണ കൊറിയന് ബ്രാന്ഡ് ഫോറിന് രാജ്യങ്ങളില് അവതരിപ്പിച്ചിട്ടുള്ളത്. ഈ നിരയിലേക്ക് പുത്തനൊരു മോഡല് കൂടി പിറവിയെടുത്തിരിക്കുകയാണിപ്പോള്. അടുത്തിടെ ടീസറുകളിലൂടെ പങ്കുവെച്ച ഇന്സ്റ്റര് എന്ന ഇവിയാണ് ഇപ്പോള് എത്തിയിരിക്കുന്നത്. 2024 ബുസാന് ഇന്റര്നാഷണല് മൊബിലിറ്റി ഷോയിലാണ് ഹ്യുണ്ടായി തങ്ങളുടെ പുതിയ എ സെഗ്മെന്റ് സബ് കോംപാക്ട് ഇവിയായ ഓള്- ഇലക്ട്രിക് ഇന്സ്റ്ററിനെ അവതരിപ്പിച്ചത്. കാണുമ്പോള് തന്നെ മനസിലാക്കുന്നതു പോലെ ഇത് കാസ്പറിനെ അടിസ്ഥാനമാക്കി പണികഴിപ്പിച്ചിരിക്കുന്ന ഇവിയാണ്. ഇന്നോവേറ്റീവ്, ഇന്റ്റിമേറ്റ് എന്നീ വാക്കുകളില് നിന്ന് പ്രചോദനം ഉള്ക്കൊണ്ടാണ് കോംപാക്ട് ഇലക്ട്രിക് കാര് നിര്മിച്ചിരിക്കുന്നതെന്നും ബ്രാന്ഡ് പറയുന്നു.
![](https://www.expresskerala.com/news/wp-content/uploads/2024/06/insterback.jpg)
ഡ്രൈവിംഗ് റേഞ്ച്, ഫീച്ചറുകള്, ടെക്നോളജി എന്നിവയില് ഇന്സ്റ്റര് പുതിയ മാനദണ്ഡങ്ങള് സ്ഥാപിക്കുമെന്നാണ് ഹ്യൂണ്ടായിയുടെ അവകാശവാദം. 2021-ല് കൊറിയയില് അവതരിപ്പിച്ച കാസ്പറില് നിന്നാണ് ഇതിന്റെ ഡിസൈന് ഉള്ക്കൊണ്ടിരിക്കുന്നത്. എന്നാല് കൂടുതല് ഇന്റീരിയര് സ്പേസും കിടിലന് റോഡ് പ്രസന്സും പ്രദാനം ചെയ്യുന്ന എക്സ്റ്റന്ഡഡ് ബോഡിയും വീല്ബേസും ഇന്സ്റ്ററിനെ വേറിട്ടുനിര്ത്തുന്നുണ്ട്. ക്ലീനായി ഒരുക്കിയ ലൈനുകള്, സ്ട്രോംഗ് ഫെന്ഡറുകള്, ഒരു സര്ക്യൂട്ട് ബോര്ഡ്-സ്റ്റൈല് ബമ്പര്, പ്രൊമിനന്റ് സ്കിഡ് പ്ലേറ്റ്, യുണീക്കായ പുതിയ എല്ഇഡി ഡേടൈം റണ്ണിംഗ് ലൈറ്റ്, പിക്സല്-ഗ്രാഫിക് ടേണ് ഇന്ഡിക്കേറ്ററുകള്, ടെയില് ലാമ്പുകള്, പുതുക്കിയ ബമ്പറുകള് എന്നിവയെല്ലാമാണ് ഇന്സ്റ്റര് കോംപാക്ട് എസ്യുവിയുടെ 5 പ്രധാന എക്സ്റ്റീരിയര് ഹൈലൈറ്റുകള്. എല്ഇഡി പ്രൊജക്ഷന് ഹെഡ്ലാമ്പുകളും കോണ്ട്രാസ്റ്റിംഗ് ബ്ലാക്ക് റൂഫുമുള്ള ടു-ടോണ് എക്സ്റ്റീരിയറും കാറിനെ അടിപൊളിയാക്കുന്നുണ്ട്. ഈ വാഹനം 2026 ഓടെ ഇന്ത്യൻ വിപണിയിൽ അവതരിപ്പിച്ചേക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.