തനിക്ക് ഏറ്റവും പ്രിയപ്പെട്ട ഇന്ത്യൻ ബാറ്റർമാരെ തെരഞ്ഞെടുത്ത് മുൻ ആസ്ട്രേലിയൻ ഇതിഹാസ താരം റിക്കി പോണ്ടിങ്. ഈ തലമുറയിലെ ഇഷ്ടപ്പെട്ട ഇന്ത്യൻ ബാറ്റർമാരെ തെരഞ്ഞെടുക്കുകയായിരുന്നു പോണ്ടിങ്. ഏറെ ആരാധകരുള്ള രോഹിത് ശർമയും വിരാട് കോഹ്ലിയും ഉൾപ്പെട്ട ലിസ്റ്റിൽ സഞ്ജു സാംസണിന്‍റെ പേരും റിക്കി പോണ്ടിങ് എടുത്ത് പറയുന്നുണ്ട്. നാസെർ ഹുസൈനുമായി സ്കൈ സ്പോർട്സിൽ ഒരു ചർച്ചക്കിടയിലാണ് പോണ്ടിങ് ഇക്കാര്യം തുറന്നു പറയുന്നത്. അതേസമയം ഹുസൈന് ഇഷ്ടപ്പെട്ട താരം രോഹിത് ശർമയാണ്.
Also Read :‘അന്ന് എന്നെ വിരാട് ബ്ലോക്ക് ആക്കി, പക്ഷെ അതിൽ ന്യായമുണ്ട് ! – ഗ്ലെൻ മാക്സ്വെൽ
പോണ്ടിങ് പറയുന്നതിങ്ങനെ…
‘ഒരുപാട് ഇന്ത്യൻ ബാറ്റർമാരെ എനിക്ക് ഇഷ്ടമാണ്, രോഹിത് ശർമ, വിരാട് കോഹ്ലി, ഋഷഭ് പന്ത്, ശുഭ്മൻ ഗിൽ എന്നിവരൊക്കെയാണ് ആ താരങ്ങൾ. സഞ്ജു സാംസൺ എന്നൊരു താരമുണ്ട്. നിങ്ങൾ എത്രത്തോളം ശ്രദ്ധിച്ചിട്ടുണ്ടെന്ന് എനിക്ക് അറിയില്ല.
എനിക്ക് അവന്‍റെ ബാറ്റിങ് കാണുന്നത് എനിക്ക് ഇഷ്ടമാണ്. അതുപോലെ ട്വന്‍റി-20 ക്രിക്കറ്റിൽ അവന്‍റെ ശൈലിയും ഏറെ ഇഷ്ടമാണ്,’ പോണ്ടിങ് പറഞ്ഞു.
