ഏറ്റവും മനോഹരമായി എടുത്തുവെച്ചു ഒരു ചിത്രം. തലമുറ വ്യത്യാസില്ലാതെ പ്രേക്ഷകർ നെഞ്ചിലേറ്റുന്ന മണിരത്നത്തിന്റെ അതുല്യതയിൽ നിന്നും പിറന്ന ചിത്രമാണ് അലൈ പായുതേ. മാധവനും ശാലിനിയും പ്രധാനവേഷത്തിലെത്തിയ ചിത്രം വൻ വിജയമായിരുന്നു. ഈ ചിത്രത്തോടുകൂടി മാധവന്റെ താരമൂല്യം കുത്തനെ ഉയർന്നു. തമിഴിൽ ചിത്രം വൻ വിജയമായതോടെ സാതിയ എന്ന പേരിൽ ചിത്രം ഹിന്ദിയിൽ റീമേക്ക് ചെയ്തു. വിവേക് ഒബ്റോയ് യും റാണി മുഖർജിയുമായിരുന്നു ആ ചിത്രത്തിൽ പ്രധാനവേഷത്തിലെത്തിയത്.
തമിഴകം നെഞ്ചേറ്റിയ ആ മനോഹര പ്രണയകഥ റീമേയ്ക്കാകുമ്പോൾ മണിരത്നത്തിന്റെ മനസിൽ നടൻ ഷാറൂഖ് ഖാൻ ആയിരുന്നുവത്രേ. നടൻ തന്നെയാണ് ഒരു അഭിമുഖത്തിൽ ഇക്കാര്യം വെളിപ്പെടുത്തിയത്. അന്ന് ദിൽസെ ചെയ്യുന്ന സമയത്തായിരുന്നു അലൈ പായുതേയെക്കുറിച്ച് മണിരത്നം ആലോചിച്ചതെന്നും ആ സമയത്ത് താനായിരുന്നു മനസിലെന്നും എന്നാൽ എന്തുകൊണ്ടോ അത് സംഭവിച്ചില്ലെന്നും ഷാറൂഖ് അഭിമുഖത്തിൽ പറഞ്ഞു. അലൈപായുതേയുടെ ഹിന്ദി റീമേക്കായ സാതിയയിൽ അതിഥി വേഷത്തിൽ എസ്.ആർ.കെ എത്തിയിരുന്നു. യഷ് രാജ് ഫിലിംസും മദ്രാസ് ടാക്കീസും ചേർന്നാണ് അക്കാലത്ത് സാതിയ നിർമിച്ചത്.
Also Read : ‘പെണ്ണ് കേസ്’ ടൈറ്റിൽ പോസ്റ്റർ പുറത്ത്
‘പല പരിപാടികളിലും താന്‍ പലപ്പോഴും ഷാറൂഖ് ഖാനെ കാണാറുണ്ട്. എന്നാൽ, അദ്ദേഹത്തിനായി ഒരു തിരക്കഥ തയാറായിട്ടില്ല. ഒരു ആശയം ലഭിച്ചു കഴിഞ്ഞാല്‍ സിനിമക്കായി ഷാറൂഖ് ഖാനെ ഉറപ്പായും സമീപിക്കും’- എന്നായിരുന്നു പറഞ്ഞത്. 1998ല്‍ പുറത്തിറങ്ങിയ ‘ദില്‍സെക്ക് ശേഷം മണിരത്നവും ഷാറൂഖ് ഖാനും ഇതുവരെ ഒന്നിച്ചിട്ടില്ല. പൊന്നിയിൻ സെൽവനാണ് ഏറ്റവും ഒടുവിൽ പുറത്തിറങ്ങിയ മണിരത്നം ചിത്രം. കമൽ ഹാസൻ പ്രധാനവേഷത്തിലെത്തുന്ന തഗ് ലൈഫ് ആണ് ഇപ്പോൾ സംവിധായകന്റെ പുതിയ ചിത്രം.
