ഡൽഹി: പാരിസ് ഒളിംപിക്സ് ജാവലിൻ ത്രോയിൽ നീരജ് ചോപ്ര സ്വർണം നേടിയാൽ താൻ ഒരാൾക്ക് 1,00,089 രൂപ നൽകുമെന്ന വാഗ്ദാനവുമായി ഇന്ത്യൻ ക്രിക്കറ്റ് താരം റിഷഭ് പന്ത്. സമൂഹമാധ്യമമായ എക്സിലൂടെയാണ് താരത്തിന്റെ പ്രതികരണം. പണം കൊടുക്കുന്നതിനുള്ള മാനദണ്ഡങ്ങളും യുവതാരം വ്യക്തമാക്കുന്നുണ്ട്.
തന്റെ ഈ ട്വീറ്റിന് ലൈക്ക് ചെയ്യുന്നവരിൽ നിന്നും കൂടുതൽ കമന്റ് ചെയ്യുന്നവരിൽ നിന്നുമാണ് താൻ വിജയിയെ തിരഞ്ഞെടുക്കുക. കൂടാതെ 10 പേർക്ക് വിമാന ടിക്കറ്റുകളും വിതരണം ചെയ്യും. രാജ്യത്തിന് പുറത്തുള്ള നമ്മുടെ സഹോദരന് ഒരുമിച്ച് പിന്തുണ നൽകാമെന്നും റിഷഭ് പന്തിന്റെ പോസ്റ്റിൽ പറയുന്നു.
